Молитва, чтомая священником над страждующим, в особых случаях – для молитвы мирянином. Обычным языком – девочки, кто верует Богу Отцу, и Сыну, и Святому Духу, можно молиться этими словами о Кирюше, чтобы сократились его страдания.
Хотя эта молитва об обычном человеке– грешнике, а не о пречистом болящем отроке, но, я думаю, Господь это ведает и услышит нас.
Господи Боже наш, иже неизреченною Твоею
мудростию создавый человека, и от персти сего
возобразивый, в вид и доброту украсивый:
яко честное и Небесное стяжание, в славословие и
Благолепие Твоея славы и Царства, за еже по
образу и по подобию сего привести: но понеже
заповедь преступи Твоего повеления, прием
образ и не сохранив, и сего ради да не зло
безсмертное будет, человеколюбно повелевый
разрешения сему, и нерушимей сей узе, яко
Бог отцев, твоим Божественным хотением
отсещися, и разытися, и телу убо от нихже
сложися разытися, души же тамо преселитися, идеже
и еже быти прияла есть, даже до общаго
воскресения: сего ради молимся Тебе Безначальному и
Безсмертному отцу, и Единородному Твоему Сыну,
и Пресвятому Твоему Духу, да от тела разрешение
болящего отрока Кирилла во упокоение сотвориши. И аще что в
ведении, или не в ведении приразися Твоей
Благости: или под клятвою священническою бысть,
или своя родители преогорчи, или клятву
преступи, или в мечтания демонския и волхвования
студная впаде, завистию лукаваго демона, прощение
от Твоея неизреченныя Благости моля: ей Владыко
Господи Боже, услыши мене грешную и недостойную
рабу /свое имя/ в час сей, и разреши раба Твоего
болящего отрока Кирилла, нестерпимыя сея
болезни и содержащия его горькия
немощи, и упокой его идеже
праведных дуси. Яко Ты еси упокоение душ и
телес наших, и Тебе славу возсылаем, Отцу,
и Сыну, и Святому Духу, ныне и присно, и во веки
веков, аминь.
