Вярнуліся мы з вандроўкі па Еўропе маршрутам Мінск-Друскенікі-Варшава-Прага-Цепліце (на мяжы з Нямеччынай, будзь яны няладныя)-Берлін-Калабжэг-Аўгустоў-Друскенікі-Мінск. 3 тыс. км агулам.
Так я і не вызначылася, якая з навігацыяй найлепшая.)
Карысталіся ў выніку ўсім, што змаглі атрымаць пад рукой.): мапс ме, гугл-карты, друкаваныя мапы (Зах. Еўропа і Польшча асобна), навітэл.
Мае высновы. Навітэл цалкам сабе неблагі. Шчыра не разумею, што з ім не так у Еўропе. Адзінае, ён, па-мойму, не ўлічвае таго факту, што паміж Беларуссю і астатняй Еўропай ёсць мяжа, якую нельга перасякчы ў любым прыемным месцы, а можна толькі на пераходах. Дый увогуле адчуванне, што з Беларуссю ён не сябруе. :crazy: Бо заблукалі мы толькі аднойчы і якраз пад Гродна. І калі б паслухалі яго на адваротным шляху-то атрымалі б тое ж.) Бо гэты таварыш змудрыўся прапанаваць тры (тры!) варыянты маршрута ад Гродна да Друкенікаў. З перасячэннем мяжы ў трох розных месцах.) Пры тым, што пераход там усяго адзін. Прычым аптымальным (першым) прапаноўваўся шлях якраз не праз пераход. Падазраю, ён прапаноўваў нам аб'ехаць заторы на мяжы.))))))
А ў Еўропе - усё выдатна з ім. Маршруты прапаноўвае +- тыя ж, што і гугл.
Гугл - не разумею яго. Паказвае рамонты, але ўсё адно прапануе ў якасці аптымальнага гэты маршрут з рамонтамі. Настойліва. Альтэрантыўныя - штораз розныя. Увогуле пры чым.))) Творчая асоба.) Рамонты то ёсць, то няма ў яго чамусьці. Не ўяўляю, як такое мажліва. Гэта так і засталося для мяне загадкай.
Правяралі спецыяльна па Беларусі. Не сказала б, што прапаноўвалася найлепшае. І там, дзе пазначаліся заторы, мы ехалі - пуста.) Напэўна, я замнога ад яго чакаю?
Мы ў выніку з Калабжэга (паўночны захад Польшчы) у Аўгустоў паехалі сваім альтэрнатыўным шляхам, сабраным з усіх прапанваных гуглам, мапс ме, навітэлам і мапамі. ) І ў прынцыпе засталіся задаволеныя. На заторы і рамонты не трапілі нідзе, увогуле! Дарогі, апроч апошніх 80 км, дзе ўжо траса,пустыя.) Так, вузкія, але пустыя! І прыгожыя надзвычай. )
Па горадзе мапс ме сапраўды добры. Напэўна, далучуся да меркавання Магды, што для пешых маршрутаў гэта вельмі добры варыянт. Хаця зноў жа справядлівасці дзеля, навітэл не горш. Але яму трэба ўказаць адрас (ну ці каардынаты - але ў мяне гэта аднойчы не атрымалася і болей я не эскперыментавала). Калі ведаеш, куды ідзеш (адрас) - выдатна вядзе.
Увогуле, па гарадах мы звычайна гулялі ў мінулых дый гэтай паездцы прыкладна такім чынам: я дома збольшага цікавілася, што ёсць паглядзець (без мегападрабязнасцяў і раздруковак на А3), проста ў агульных рысах, на месцы мы ехалі ў цэнтр. Пры першай мажлівасці кідалі машыну. Потым знаходзілі інфацэнтр, бралі там мапы і іншую турыстычную інфармацыю, датычную горада, і паводле гэтых мапаў і матэрыялаў гулялі/глядзелі. Да гэтай паездкі гэтага хапала. У Чэхіі Германіі сутыкнуліся з вострай праблемай нармальна і за ўцямныя грошы паесці. Зразумела для сябе, што ў паасобных краінах не так трэба шукаць інфармацыю пра славутасці (іх у інфацэнтры поўна), як пра жрачку.))) І тут вось гэтае вось усё, што пісалі вышэй пра "экспарчу-імпарчу"
![Smile :) :)](data:image/gif;base64,R0lGODlhAQABAIAAAAAAAP///yH5BAEAAAAALAAAAAABAAEAAAIBRAA7)
, напэўна, актуальна.
Паспрабую вольным часам такі асіліць гэтую навуку.) Бо зацікавіла.)
Хаця... калі мець мабільны інтэрнет, то можа і не патрэбныя ўсе гэтыя дзеянні з імпартам сваіх гугл-мапаў у мапс ме?
Magda, не? Гугл жа таксама вядзе сабе. Ці ёсць яшчэ нюансы?