Пра ўсё па-беларуску.

[Ильгрия]

и не разумела, чаму б не вывучаць беларукую з ўсімі з 1 класа?НЕ разумею...У мяне лепшая сяброўка руская, амаль ужо шмат гадоў жыве на Беларусі, побач з іх домам адна добрая школа- беларуская гімназія-дык яна не думала- адразу дзіця аддала- хоць сама і не валодае мовай. "Чым больш ведае моў чалавек, тым лепш. Чаму б не беларускую?"

 

[k_ja_ra]

Людзі, а як па-вашаму, такі выраз па-беларуску гучыць: "Пра новыя льготы афганцам мовы быць не павінна"

На НН дыскусія развярнулася. Цікавае вашае меркаванне. ))) І яшчэ: вы адразу сэнс фразы разумееце? )))

))))
Наконт гэтага артыкула: раніцаю яшчэ дома па дыяганалі прабеглася: мяне нават не сам факт невывучэння ўсхваляваў - іхныя праблемы. А якія думкі пры гэтым былі агучаныя. І бацькамі і ад аўтара. Адгукнулася...))) А зараз не адкрываецца ў мяне чамусьці спасылка, каб падрабязней пачытаць.

Вішенька, слу. А можна я пытанне пра "зараз"? Я як бы нюансы "цяпер" і "зараз" адчуваю, але ёсць моманты, калі сумняваюся. Вось у сказе вышэй, па-твойму такі "зараз" трэба ці ўсё ж "цяпер"? Я - за цяпер (хоць і напісала "зараз")

І яшчэ. Я разумею, што допіс у значэнні "пост на форуме" лепей. Але карыстаюся і гэтым словам таксама. Але кожны раз у мяне праблемы з націскам тут. (уласна кажучы, як і па-расейску) у посце ці пасце? У тваіх постах ці пастах? Ці лепей "паведамленне" і не замарочвацца? ))

 

[Ильгрия]

"мова" - у сэнсе "речь"...З трэццяга разу да мяне дайшло...во завярнулі...

 

[Marisol]

"Чым больш ведае моў чалавек, тым лепш. Чаму б не беларускую?"

Вось! Чым больш моў ведае чалавек, тым вышэй яго культурны ўзровень і г.д. Людзі маюць дармавую магчымасць зрабіць сваё дзіця разумнейшым і не выкарыстоўваюць яе. Дык хто яны ў такім выпадку? А што да дзіцяці, то я ў яго ўзросце без істэрык вывучала ўсе школьныя прадметы, нават тыя, якія мне зусім не падабаліся і здаваліся непатрэбнымі.

 

[k_ja_ra]

З трэццяга разу

О! і я пра тое. А раз так, то не тое штосьці тут...Так, мова ў сэнсе "речь" ужываецца, але па мне не як не ў гэтым выпадку...

 

[Ильгрия]

не як не ў гэтым выпадку...

згодна з табою

 

[Marisol]

Кьяра, мне здаецца, ў гэтым выпадку трэба было казаць не "мова", а "гутарка".

 

[k_ja_ra]

prosto_kat, і я пра тое. Ці гаворкі ці размовы.)))А рэдакцыя на "мова" настойвае.

п.с. ава прыкольная. ))

 

[Marisol]

Дзякуй. Гэта мая першая ЖЖ-шная ава, яна мяне лепш за ўсё характэрызуе))

 

[k_ja_ra]

prosto_kat, здорава. Скажам, вымушае задумацца. Мяне дык дакладна. І штосьці новае пасля ліманаду. ))

Трэба і мне мяняць. Па шчырасці, хоць і падабаецца, але паднадакучыла. ))

 

[Вишенка]

Людзі, а як па-вашаму, такі выраз па-беларуску гучыць: "Пра новыя льготы афганцам мовы быць не павінна"

гаворкі. Мне здаецца, што "мова" - гэта зусім іншае - маўленне, здольнасць размаўляць і да т.п. Так і бачыцца мне тут тупы пераклад слова "речь"

Вішенька, слу. А можна я пытанне пра "зараз"? Я як бы нюансы "цяпер" і "зараз" адчуваю, але ёсць моманты, калі сумняваюся. Вось у сказе вышэй, па-твойму такі "зараз" трэба ці ўсё ж "цяпер"? Я - за цяпер (хоць і напісала "зараз")

Я не ведаю. У мяне гэта на ўзроўні адчуванняў. "Зараз" адлюстроўвае для мяне нешта больш дынамічнае, чым "цяпер".

 

[k_ja_ra]

Гляджу, тэма аватарак рызыкуе тэму сузалежнасці пераплюнуць.))

 

[katia-ka]

"Пра новыя льготы афганцам мовы быць не павінна"

Я б напісала "размовы".

 

[Marisol]

Трэба і мне мяняць. Па шчырасці, хоць і падабаецца, але паднадакучыла.

Я рэгулярна мяняю, як сапраўдная цётка))

 

[k_ja_ra]

Так і бачыцца мне тут тупы пераклад слова "речь"

Аналагічна. Здзіўляе гэтая ўпартая настойлівасць НН. Я б пасля першай жа заўвагі выправіла. НЕ ГУЧЫЦЬ. Вось Ільгрыя з 3-га разу. А я 5 хвілін намагалася ўцяміць, пра што гаворка ўвогуле...

"Зараз" адлюстроўвае для мяне нешта больш дынамічнае, чым "цяпер".

Зараз - дзеянне ў будучым. Зараз пагляджу, зараз пайду. Таму пагаджуся, больш дынамічнае. Цяпер - статычнае. Я цяпер заняты...Таму такі ў маім тым выпадку цяпер? А?

Я адчуваю "цяпер", а ляпаю "зараз" з прычыны нейкіх старых яшчэ школьных, відаць, звычак. Пакуль не ўклалася яшчэ...

Я рэгулярна мяняю, як сапраўдная цётка

І правільна. Падумаю наконт сябе.

 

[Вишня-черешня]

"Пра новыя льготы афганцам мовы быць не павінна"

гаворки
(тут бел раскладки нет)

Я як бы нюансы "цяпер" і "зараз" адчуваю, але ёсць моманты, калі сумняваюся.

зараз это сейчас
а цяпер это уже)

 

[k_ja_ra]

Вишня-черешня, так а тут як:

А зараз не адкрываецца ў мяне чамусьці спасылка, каб падрабязней пачытаць

Вы б як сказалі?

 

[Вишня-черешня]

Гэта мая першая ЖЖ-шная ава, яна мяне лепш за ўсё характэрызуе

гыгыгыыыы))))
а мне там бачыўся пацук у аўто)))) у аўто, зробленым з пасткі) а ніяк не на трэніроўцы)

Я адчуваю "цяпер", а ляпаю "зараз" з прычыны нейкіх старых яшчэ школьных, відаць, звычак. Пакуль не ўклалася яшчэ...

ну сувязь зрабі ў галаве паміж зараз і щас Так ведаеш - ага, зараз! Толькі шнуркі адпрасую....

Вы б як сказалі?

цяпер
тут цяперашні час а не крыху адкладзены
у беларускай мове сапраўды добра б было ўвесці паняцце "адкладзены час". як у эльфійскай мове )))

 

[k_ja_ra]

зрабі

Вишня-черешня, калі шчыра, на пэўнай стадыі "вы" мне ўжо цяжка пісалася.

ага, зараз! Толькі шнуркі адпрасую....

))

 

[k_ja_ra]

Не сільная тут. Трэба пачытаць. Цікава ўжо.
сила=моц
сильна=моцная даслоўна але па сэнсу ў дадзеным выпадку ёсць нешта бліжэйшае...

Вишня-черешня, пра сілу сюды, каб там не засмечваць, ок?))

Дзякуй. Цікавы момант закранула. Сіла не раўно моц. Ёсць сіла, і ёсць моц - гэта ж праўда, так? Дарэчы з гэтымі словамі я нюансы слаба адчуваю, гэта так.

Ты да таго, што менавіта ў дадзеным выпадку такі "моцная" больш пасуе? )))

У мяне тая ж фігня ("адчуй розніцу" ) з "вольны" і "свабодны"...


п.с. файна, я цяпер ведаю, каго чарговага сваімі пытаннямі мучыць. ))