Я ничего не знаю про конкурс чтецов, какой там размер, какие еще требования, но вот несколько тех ,что пришли в голову сразу:
Генадзь Бураўкін Малітва
Мы здалёку ўбачылі свабоду
І яшчэ не вырваліся з пут...
Божа,
Не дабаў майму народу
Пошасці1,
Няпраўды
І пакут.
У чужым нялюдскім землятрусе
Хіба нечым мелі мы віну?..
Божа,
Адвядзі ад Беларусі
Здраду,
Вераломства
І вайну.
Смутнаю парою нелюдзімай,
Калі ўсё наўкол ідзе на злом,
Божа,
Захіні маю Радзіму
Мудрасцю,
Спакоем
І цяплом!
Алесь Пісьмянкоў Продкі
Калі марнею ад нягод
І сэрцу цесна,
Я ўспамінаю радавод
І продкаў песні.
Яны ідуць за годам год
З мячом і плугам.
О, мой нязводны род,
Ён моцны духам!
Імёны памяць берагла,
Вяла праз церні,
Каб я не сеяў зла,
А толькі- зерне.
Да іх іду я зноў і зноў,
Ім веру свята.
Таму й вяду сваіх сыноў
Да іх на раду.
Паýлюк Трус Падаюць сняжынкi (Урывак з паэмы "Дзесяты падмурак")
Падаюць сняжынкi -
дыяменты - росы,
Падаюць бялюткi
за маiм акном...
Расчасалi вiшнi
шоýкавыя косы
I ýранiлi долу
снегавы вянок.
Дзесьцi у прасторах
празвiнелi бомы.
Дацвiлi пялёсткi
нейчае тугi...
I здаецца зноýку -
еду я дадому
Пераведаць родных,
блiзкiх, дарагix.
Axiнае вечар
тонкiя мярэжы,
На акне альвасы
дагарэлi ý сне.,
А ý душы квяцiстасць,
i такая свежасць,
I з вачэй усмешкi
сыплюцца на снег.
-----
Зноý зiма паслала
снежныя кiлiмы,
Зажурыла беллю
паплавы, лугi,
I прыходзiць радасць
у красе маýклiвай.
Адплываюць хвiлi
смутку i тугi...
А сняжынкi сеюць
кволую iмглiстасць,
Падаюць бялюткi
за маiм акном,
I цвiце на вiшнях
снежная ýрачыстасць,
Сцелецца на скронях
перад раннiм сном.
Хочацца навеяць
казкi - таямнiцы
Гукамi мелодый,
радасцю без слоý.
I застылi сценi
у маёй святлiцы,
Засынаю... Снiцца
роднае сяло.