Пра ўсё па-беларуску.

[k_ja_ra]

А я сёння злавіла сябе на тым, што ўпершыню машынальна (аўтаматычна, не задумваючыся) адказала па-беларуску на просьбу .. (не важна якую ў прынцыпе). Бо размаўляць-та я размаўляю, але калі знянацку ў мяне штосьці спытаць (не дома, натуральна, недзе. І па-расейску (по-русски ) натуральна) я звычайна ці адразу аналізую сітуацыю наконт таго, ці варта па-беларуску адказаць, ці проста аўтаматычна па-расейску. А тут...... прагрэс, аднак.

карыстацца беларускай мовай не жадаюць беларусы

Мята, я цяпер разумею, чаму так адбываецца... Яны проста не ведаюць, чаго сябе пазбаўляюць... Гэта як, прыкладам, не дай Божа, у чалавека дзяцей няма, і ён так, пераймаецца на гэты конт, але, каб ён насамрэч мог адчуць, што значыць дзіця - ён бы проста рукі з гора на сябе наклаў... А так, не ведае, і проста шкадуе... (выбачайце, калі раптам бальную тэму закранула....)

 

[fasolinka]

А я сёння злавіла сябе на тым, што ўпершыню машынальна (аўтаматычна, не задумваючыся) адказала па-беларуску на просьбу ..

так, прагрэс. я пакуль яшчэ таксама вучуся) да аутаматызму не дайшло, нажаль

 

[Patricia]

Кьяра, fasolinka, а думаеце вы на якой мове? я па-беларуску проста так размаўляць не магу. я перакладаю. разумею, канешне, усё. але думаць па-беларуску не магу. (па-французску магу)

 

[k_ja_ra]

я пакуль яшчэ таксама вучуся

Ага! Такі вучуся? Здорава! Рада за цябе!

а думаеце вы на якой мове?

paulette, я нават не ведаю... Але тое, што не перакладаю ўвесь час - гэта дакладна. Асобныя словы - так, падбіраю. (памылкі раблю, гэта ж ясна). Але на пэўныя тэмы (шэптам: форумскія) магу размаўляць амаль без праблем наогул. Праўда.

 

[Jahenka]

але думаць па-беларуску не магу.

справа звычки, на мой погляд. Я вунь ангельскую ведаю куды як горш за беларускую - а у еуропе праз кольки дзен пачынаю на ёй думаць, няма ж куды дзявацца, перакладаць марудна вельми - тормазам выглядаеш )). Так и тут Я адно только лаяцца не умею ни на якай акрамя расейскай ))

(прабачце дзяучаты, недзе згубила бел. раскладку)

 

[Patricia]

справа звычки, на мой погляд.

ну ў мяне ж і няма такой мэты. а ўвогуле, практыка патрэбна.

 

[Marisol]

У мяне ўжо гадоў 10, мусіць, звычка: калі еду на працу, думаю па-беларуску, калі еду дадому - па-ангельску. Добра дапамагае не забыцца, бо аднаго чытання не хапае, а паразмаўляць часам і няма з кім.

 

[k_ja_ra]

недзе згубила бел. раскладку

А пасля чытання першага паведамлення ў гэтай тэме, не знайшлася? Там адразу пасля карцінкі з гарбатаю...

калі еду дадому - па-ангельску.

Добрая звычка...А я сваю нямецкую згубіла...Баюся, канчаткова...

 

[Marisol]

Баюся, канчаткова...

Проста няма матывавання. Як з'явіцца, так і пачнеш думаць.

 

[Jahenka]

А пасля чытання першага паведамлення ў гэтай тэме, не знайшлася? Там адразу пасля карцінкі з гарбатаю...

я ведаю як паставіць )) проста была, а тут мабыць муж нешта з кампом рабіў ды выдаліў, ці мо я сама выпадкова, і тыцкаю-тыцкаю - не ўключаецца А напісаць за ўжо хочацца )) Вось уключыла.

 

[k_ja_ra]

уключыла.

Цешуся.

 

[Jahenka]

У мяне ўжо гадоў 10, мусіць, звычка: калі еду на працу, думаю па-беларуску, калі еду дадому - па-ангельску.

ну ты сапраўды як шклянка )) а я як еду - дык усе думаю каб мне ДАІ не трапілася ))

 

[Marisol]

Jahenka, і ты з намі! тэрмінова трэба расседжвацца))

а я як еду - дык усе думаю каб мне ДАІ не трапілася

Дык я ж на грамадзкім транспарце)) трэба неяк абстрагавацца ад навакольнай рэчаіснасці))

 

[k_ja_ra]

Проста няма матывавання. Як з'явіцца, так і пачнеш думаць.

Мажліва... Я проста якіх моваў толькі не вучыла... А цяпер, як ТНП ажно 4 ведаю: расейская вусна, расейская пісьмова, беларуская - вусна, беларуская - пісьмова..

А наконт матывацыі - згодна. Няма яе, як няма і неабходнасці гэтую матывацыю сабе фармуляваць... А ведала няблага, дарэчы не толькі нямецкую...

трэба неяк абстрагавацца ад навакольнай рэчаіснасці

+1.

 

[fasolinka]

Кьяра, fasolinka, а думаеце вы на якой мове? я па-беларуску проста так размаўляць не магу. я перакладаю. разумею, канешне, усё. але думаць па-беларуску не магу. (па-французску магу)

я хутка перастрайваюся: расейская - беларуская - ангельская. Якую чытаю цi на якой актыуна размауляю некалькi гадзiн, на той пачынаю думаць. Вельмi добра у гэтай сувязi дапамагае (мне) класiчная лiтаратура на арыгiнальнай мове + аудыякнiгi, якiя я слухаю падчас дарогi на работу i з работы у грамадскiм транспарце)

 

[Вишенка]

Таксама пажадана згодна з ёю і свае імёны -прозвішчы у пашпарце пісаць.

Замежнікі потым прачытаць не могуць.

У мяне ўжо гадоў 10, мусіць, звычка: калі еду на працу, думаю па-беларуску, калі еду дадому - па-ангельску. Добра дапамагае не забыцца

...куды менавіта еду )) А ўвогуле, цікава. Трэба паспрабаваць

 

[k_ja_ra]

Замежнікі потым прачытаць не могуць.

А як яны палякаў-славакаў чытаюць? )))

У мяне ў пашпарце, калі што, французскі варыянт транскрыпцыі стаіць, з расейскай. У мужа - ангельскі з беларускай. У дзяцей - ангельскі з расейскай. Такім чынам ва ўсіх розныя як быццам прозвішчы... Не ведаю нават, як нас за мяжу пускаюць.

якiя я слухаю падчас дарогi на работу i з работы

Адчуваю, што прыйдзецца такі і мне нейкую тэхніку набыць.... Хаця ўсё жыццё не разумела, як можна ездзіць і штосьці (тым больш музыку) бясконца слухаць... Я так цішыню люблю...

 

[Шона]

А што, у кагосьці ў пашпарце не па-беларуску імя і прозвішча запісаны? Не сустракала...
А я нават і не заўважаю, калі ў думках з адной мовы на другую пераключаюся... То па-руску, то па-беларуску думаю, то на мясцовым дыялекце... Што ў галаве робіцца...:crazy:

 

[k_ja_ra]

Шона, на адной старонцы праз слэш па-беларуску і па-расейску. На другой - лацініцай. І там транкрыпцыя можа быць напісана як заўгодна.

 

[Вишенка]

А як яны палякаў-славакаў чытаюць? )))

Пра палякаў і славакаў не ведаю, а аб імя Siarhej, напрыклад, шмат хто язык зламаў. Ведаю па тых дзецях, што ездзілі за мяжу ў сем'і - многія не пазнавалі сваё імя з вуснаў замежнікаў. Асабіста мне не падабаецца пісаць імёны такім чынам, бо праз фанетычны прынцып пісьма імя можа стаць зусім непадобным да сваіх еўрапейскіх "братоў". (ну, гэта мае замарочкі, не спрачаюся )