Прывітанне )))
Зараз усе яшчэ ў раз'ездах і не вельмі аператыўна атрымліваецца пісаць на форуме.
katia-ka, вось вы пра паліграфію ўзгадалі..... а як вам падаецца - якога кшталту ўвогуле можна зрабіць ініцыятыву каб заахвоціць сваім, беларускім?
Пытанне, канешне, цягне амаль на доктарскую )))):biggrin: Разумею )))
Проста я пасля вяртання з Латвіі "даставала" знаёмых, блізкіх да сферы бел.турызму. Усё імкнулася праз размову з імі для сябе вырашыць - у якім накірунку рухацца.
Мяне ўпэўніваюць, што калі, напрыклад, рабіць інфа-цэнтр, то трэба вырашыць - для каго ён. Бо для сваіх, беларусаў, каб заахвоціць іх нацыянальным, трэба адны мэты ды сродкі і шляхі. А калі для замежных гасцей, то трохі з іншага боку падыходзіць да працы інфа-цэнтра....
А ўвогуле неяк скептычна ў маім асяроддзі ўспрынялі мой энтузіязм.... Няма веры.
Былі сёння ў чарговы раз у Нясвіжы. Ужо ён цалкам адкрыты. Маю на ўвазе ўсе ўнутраныя залы.
Ну што ж.... Выкажу сваё асабістае бачанне.
Калі сёння збіраліся ў паездку я вельмі спаздявалася, што зноў атрымаю недзе нават унікальныя ўражанні ад дотыку да сваёй гісторыі.
Справа ў тым, што некалі, гадоў так 8 ці 9 таму, я сама вазіла экскурсіі ў Нясвіж. Я вельмі любіла гэта рабіць, бо і фарны касцел і рэзідэнцыя Радзівілаў, і ратушная плошча, і былая настаўніцкая семінарыя, дзе вучыўся Колас, і слуцкая брама - гэта ўсё разам былі для мяне сапраўдныя, жывыя часткі гісторыі маёй краіны. Я надзвычай любіла радзівілаўскі палац, бо ён быў хоць і не адноўленым, але натуральным, нейкім жывым, у адрозненні ад замка ў Міры, над якім ужо тады моцна здзекваліся так званыя рэстаўратары........
На жаль вярнулася я сёння ў супярэчлівых пачуццях. Бо для мяне больш няма жывога палаца знакамітага роду. Ёсць фальшыўка.
Не, знешне, канешне, прыгожа. Як нам расказалі сёння, шмат турыстаў іншаземцаў і менавіта расіян, пасля наведвання нясвіжскага палаца мяняюць свой погляд на Беларусь. Бо у Нясвіжы бачна Эўропа, блізасць да заходняй архітэктуры. Аднак вельмі балюча разумець, што цяпер замак - фактычна навадел. І знешне і ўнутры мала што засталося ад сапраўдных уладальнікаў.
Мы шмат размаўлялі і прышлі да высновы, што няхай бы аднавілі нейкую частку замка, а другую ўсе ж не чапалі, каб можно было бачыць, як у сапраўднасці ўсе было. Шкада , што так ўсе.
Ну всь скажыца мне, навошта было на даху палаца рабіць акенцы, якіх не было там ніколі????? Згодна. Яны магчыма ўпрыгожваюць знешні выгляд. Але замак заўседы і так быў прыгожым. І без іх выдуманых акенчыкаў....
Ай.... шмат зараз магу пісаць. Канешне, гэта цалкам маі асабістыя ўражанні. І так мяне сёння закранула "карцінка", што надзвычай хацела выказацца тут.
Была бы цікава паслухаць. Як вам падаўся замак?
Для тых хто збіраецца ў бліжэйшы час - лепш выбірыце не вік-энд. Надзвычай многа народу. Цяжка ўсе добра разгледзіць ўнутры. Аднак, зараз там самыя запоўненыя залы. Бо на адкрыццё, каб было ня пуста, з розных беларускіх музеяў і фондаў прывезлі калекцыі. І калі сціхне шуміха ад адкрыцця, шмат экспанатаў увязуць, абратна адкуль яны і прыехалі.
Пасля нашага свежага падарожжа ў Латвію. параўнозвалі наш палац з іх замкамі. Адзначылі - у Эўропе у кожным замку заўседы есць некалькі супрацоўнікаў у адзенні старадаўніх часоў, і з даспехамі ці рэчамі старажытнасці. З супрацоўнікамі можна сфатаграфавацца, а дзеці звычайна бяруць у рукі даспехі. Цікава ж памацаць. У нас такіх жывых атрыбутаў замка мы не сустрэлі. А ў кожнай зале вялікімі літарамі па-руску было напісана - Руками не трогать.
У тых замках, дзе мы былі за межамі РБ, усюды можно было нешта зрабіцы рукамі. Ці малатком збіць манетку, ці сшыць сябе цацку, падобную на тую, якой забаўляліся дзеці сярэднявечча........ У Нясвіжы такога няма. І як нам сказалі не плануецца ў бліжэйшай перспектыве......Ну і ладна. Няхай бы персанал палаца хоць троху па-беларуску да па-англійску навучыўся. Хаця б гэтым пачала ганарыцца!
Кьяра, вы некалі пыталіся пра экскурсіі ў радзівілаўскім палацы па-беларуску. Калі вам яшчэ актуальна, напішыце мне ў ЛС. Дам тэлефон знаёмага. Бо афіцыйна экскурсію па-беларуску сярод экскурсаводаў палаца ніхто не праводзіць.
Штодзень?
