Да Дня Беларускай Вайсковай Славы.
Сёлета спаўняецца 500 год слаўнай перамозе войска Вялікага Княства Літоўскага над войскамі Маскоўскага княства пад Воршай, якая адбылася 8 верасня 1514 года.
Бітва пад Воршай — гэта гонар для кожнага беларуса. Бітва пад Воршай — гэта шэраг славутых імёнаў: Канстанцін Астрожскі, Юрый Радзівіл, слуцкі князь Юрый Алелькавіч, Іван Сапега.
Аршанская бітва — гэта бел-чырвона-белыя сцягі конніцы Вялікага княства. У бітве пад Воршай Вялікае княства Літоўскае адстаяла сваю незалежнасць — 30-тысячнае войска ВКЛ пад камандаваннем гетмана Канстанціна Астрожскага атрымала перамогу над 80-тысячным маскоўскім войскам.
Паштоўка, прысвечаная Дню Беларускай Вайсковай Славы, будзе надрукаваная напярэдадні 8 верасня, і кожны жадаючы зможа павіншаваць сваіх блізкіх з гэтым святам.