Пра ўсё па-беларуску.

[k_ja_ra]

fasolinka, выбачай. Мэты кагосьці пакрыўдзіць не мела.)))

Але ты лічыш выраз "пісаць на мове" нармальным? Я паважаю тваё меркаванне, толькі растлумач мне, клск, што ён значыць. Які сэнс мае? Я, праўда, не разумею...

Што да спасылак...А чым карысная інфармацыя можа пашкодзіць? Гэта ж не з мэтай - вось глядзіце, як вы неправільна пішаце/кажаце. Мне, прыкладам, проста цікава было... Але я не настойваю...

Шона,усё забываюся напісаць.

Спрасаваў ад "прэс"?

Падабаецца Прынамсі больш, як ад "прас" - утюг. Але чаму каранёвае "э" не захоўваецца? Гэта новы правапіс? Ці абдрукоўка?

 

[Шона]

У бел. мове э толькі пад націскам. Калі не пад нац., то пераходзіць у а: сэрца-сардзчны, рэдкі-радзей

 

[k_ja_ra]

Шона, Але гэта спрадвечныя бел. словы, не?
А як элементарны, энергія, і г.д.? Мне падаецца. што слова "прэс" не раўно сэрца. Прэсінгаваць мы як пішам?

 

[fasolinka]

Але ты лічыш выраз "пісаць на мове" нармальным? Я паважаю тваё меркаванне, толькі растлумач мне, клск, што ён значыць. Які сэнс мае? Я, праўда, не разумею...

не, у мяне няма на яго разумнага абаснавання. але ён мяне i не каробiць... "на мове" цi "па-беларуску" - мне усе роуна)) "па-беларуску", зразумела, больш верна, але мне здавалася, што "на мове" часта ужываецца у гутарковая гаворке.

Што да спасылак...А чым карысная інфармацыя можа пашкодзіць? Гэта ж не з мэтай - вось глядзіце, як вы неправільна пішаце/кажаце. Мне, прыкладам, проста цікава было... Але я не настойваю...

не-не... усе так, без крыуд. але я ужо пугаюся, мо не дацягваю да вас па свайму узроуню бел. мовы - вось я аб чым) Чым больш правiлау, тым больш напружваешся. Гэта я пра сябе) Але ж я толькi вучуся.

 

[Marisol]

fasolinka, я навогуле не ведаю правілаў, пішу, як пішацца)) і не толькі па-беларуску))

 

[k_ja_ra]

на мове" цi "па-беларуску" - мне усе роуна))

на беларускай мове ці па-беларуску і мне ўсё адно. Як можна размаўляць на мове ніяк не ўцямлю...

Чым больш правiлау

Дык там не толькі пра правілы...

не дацягваю

Мне здавалася, у нас не спаборніцтвы.))) Проста, па мне, веды залішнімі не бываюць... Мне б хацелася пісаць і гаварыць правільна, прыгожа, пісьменна. Табе не? Не абавязкова вось зараз жа... Але імкнуцца паціху...

 

[Шона]

Ага, у запазычаных захоўваецца Э. Але калі слова даўно запазычана, то А: рамонт, бухгалтар.
Паглядзела ў слоўніку. Прессовать (русск.)- прасаваць (бел.)
Мяркую, што прэсінгаваць з Э, бо само слова запазычанае, мае суфікс запазычаны, і націск у прэсінгу на Э.
А што да нераўназначнасці сэрца і прэса-так, згодна, проста першае ў галаву прыйшло. Дзеці падумаць не давалі, біліся і вішчалі

 

[k_ja_ra]

Прессовать (русск.)- прасаваць (бел.)

І праўда. І я паглядзела. Была ўпэўнена, што прэсаваць будзе, таму нават не правярала.
Такім чынам загадка вырашана. Такі ткачы былі і "спрасаваў".))) Дзякуй!

 

[fasolinka]

Проста, па мне, веды залішнімі не бываюць... Мне б хацелася пісаць і гаварыць правільна, прыгожа, пісьменна. Табе не?

я пакуль на тым этапе, калi мне хацелася б увогуле гаварыць па-беларуску.... не збiвацца на рускую мову "на аутамаце", а у разняволеным стане разважаць на беларускай мове... А пра якасць гэтай мовы i пра памылкi я буду думаць заутра, калi вырашу сваю першую беларускамоуную задачу.
мо, не ва усiх так, але мне бывае цяжка дасягнуць вынiка у чым-небудзь, таму што я хватаюся "за усе i адразу" i - не спрауляюся. Таму я сябе знарок затрымлiваю, iмкнуся рабiць нешта новае у сваiм жыццi паступова i задачы вырашаць паэтапна. Таму правiлау я пакуль баюся. Ну, гэта мае "тараканы". Я зараз упэуненасць зарабляю.

 

[Вишенка]

Як можна размаўляць на мове ніяк не ўцямлю...

Я не ведаю, як можна размаўляць не на мове! Позіркамі хіба што? ))

 

[k_ja_ra]

fasolinka, дамовіліся, не трэба спасылак.

Відаць, нават у гэтым усе розныя. Ты ж зразумей, я ж таксама безліч памылак раблю, але проста цікава. Вось улезе штосьці ў галаву... Ці, наадварот, хацелася хаця б агульныя звесткі пра старыя нормы правапісу мець (што за мяккія знакі такія?), ну і г.д.

А з іншага боку, мажліва, мы проста стартуем з рознага... Ты та больш-менш, відаць, з беларускай мовай сутыкаешся. Я з нуля стартавала.... Таму і лезу, куды можна залезці...

Вишенка, я ў этым выразе не чую сэнсу наогул... Ні ў яе беларускім варыянце, ні ў расейскім. Ён не нясе ніякай інфармацыі. Я пішу на мове...???? На паперы, разумею, на мове - не...

 

[fasolinka]

А з іншага боку, мажліва, мы проста стартуем з рознага... Ты та больш-менш, відаць, з беларускай мовай сутыкаешся. Я з нуля стартавала.... Таму і лезу, куды можна залезці...

а мне здаецца, што у мяне проста самаацэнка нiзкая i таму я пакуль баюся заглянуць у правiлы, каб яшчэ больш не збянтэжыцца.
я ж таксама не лiчу, што добра ведаю бел. мову. у школе - так, легка размауляла i па-руску, i па-беларуску, i па-ангельскi. самой было смешна, што мне было усе роуна, на якой мове разважаць. Але ужо праз некалькi год я амаль забылася на беларускую мову, а першую беларускую кнiгу з той пары адкрыла толькi пару год таму, калi паспрабавала размауляць па-беларуску з дачушкай i зразумела, што не памятаю нават простых слоу, бо больш за 10 год iмi не карысталася.

 

[k_ja_ra]

fasolinka, глядзі, тое, што ты, прыкладам, прачытаеш, што беларусы кажуць не "па сакрэце", а "пад сакрэтам", хадзіць на гурток не "па пятніцах", а "пятніцамі" - моцна паўплывае на тваю самаацэнку? (але зноў жа, мо ты гэта і ведаеш, я - не ведала)

 

[fasolinka]

Кьяра, мабыць, гэта заставiць мяне кожны раз, калi я кажу гэтыя словы, задумвацца, цi правIльна я iх ужываю)

 

[k_ja_ra]

fasolinka, гэта блага?

дарэчы, пра старшыню... Вось якраз у спасылцы і знайшла.

зь ім – старшынём, судзьдзём;
зь ёю – старшынёй (ёю), судзьдзёй (ёю)

Гэта паводле дарэфармаванага правапісу такі.))) Таму наконт "калегі" ужо пачынаю сумнявацца, мо згодна з новым правапісам і для мужчыны і для жанчыны будзе (каму?) калезе? І Кацярыніна праўда была?

 

[Вишенка]

я ў этым выразе не чую сэнсу наогул... Ні ў яе беларускім варыянце, ні ў расейскім. Ён не нясе ніякай інфармацыі

Так сэнсу і няма.

Гэта паводле дарэфармаванага правапісу такі.))) Таму наконт "калегі" ужо пачынаю сумнявацца, мо згодна з новым правапісам і для мужчыны і для жанчыны будзе (каму?) калезе? І Кацярыніна праўда была?

гэта ты пра апошнюю рэформу? трэба пачытаць, што там змянілася.... ці пра 33 год?

хадзіць на гурток не "па пятніцах", а "пятніцамі" - моцна паўплывае на тваю самаацэнку?

Усё прапала! Мы не беларусы, бо ходзім па пятніцах ))

 

[Леи Мьёрр]

Кьяра, давайце спасылку, калі ласка, а fasolinka можа яе не глядзець
Я правілы таксама не ведаю - размаўляю як размаўляецца, не разважаючы асабліва правільна я кажу ці не, але ж і памылак шмат раблю, асабліва такіх:

не "па сакрэце", а "пад сакрэтам", хадзіць на гурток не "па пятніцах", а "пятніцамі"

. Буду ўдзячная

 

[Вишенка]

О, знайшла артыкул пра новыя правілы з заўвагамі вядомага нам аўтарытэта
http://be-x-old.wikipedia.org/wiki/Правілы_беларускай_артаграфіі_і_пунктуацыі_(2008)

 

[k_ja_ra]

гэта ты пра апошнюю рэформу?

Старшынём - да 1933. Пра калегу - думаю, апошняя рэформа мала што змяніла. Трэба зноў жа з тым, што да 1933 было, параўноўваць. Варта, безумоўна, дакладна разабрацца з гэтай апошняй рэформай, але што ведаю, калі раней "магчымасцяў" - было правільна, то цяпер толькі аля па-расейску "магчымасцей". Націскі таксама пытанне. Для беларускай мовы ўласцівы націск напісАна, а цяпер (каб толькі не памыліцца, гэта нам распавядалі, на свае вочы не бачыла), паводле апошняй рэформы напІсана (зноў жа, як па-расейску).

Наогул, навошта гэтыя рэформы... У сэнсе я ведаю, навошта.... Але яшчэ пару рэформаў і ад беларускай мовы насамрэч нічога не застанецца.... Нешта ў расейскай такое не адбываецца...

Мы не беларусы, бо ходзім па пятніцах

Вішанька, гэта не прынцыпова, я згодна. Але...ну вось прачытала я, ну што, будзе горш, калі я буду "пятніцамі" ўжываць?

Я з фасолінкай згодна, нельга ўсё і адразу... Але я (толькі я, усе розныя) лепей 3-4-ну 5 разоў задумаюся перад тым, як сказаць, а на 6-ты буду казаць правільна, ужо не задумваючыся..

І пра пісаць. Якраз у працэсе напісання пытанні і ўзнікаюць большай часткай. ( бо калі проста размаўляеш - ну сказаў і сказаў, і нават, калі пра штосьці задумаўся, хутчэй за ўсё забудзешся на тое) І па мне,пытанні, што ўзнікаюць, чаму б іх не высветліць? Не дзеля таго, каб кагосьці сваёй як быццам пісьменнасцю ўразіць, а проста таму, што я са сваім характарам не магу міма прайсці. Яно ж мне спаць не дасці! Палазіў, знайшоў - фу, можна і спаць.



Леи Мьёрр, я ўжо баюся, гэта першае, а па-другое, я так разрэкламавала, а насамрэч, мо і не спадабаецца...

http://www.nn.by/2001/08/11.htm
http://www.nn.by/index.pl?theme=culture&article=2003032701

 

[Леи Мьёрр]

я ўжо баюся

)) вось жа - кожны ды чагосьці баіцца..
Дзякуй вялікі.