На НН працягвае абмяркоўвацца тэма будучага белмоўнага канала. Вельмі спадабаўся камент адзін. Выкладу тут.
ВОСЬ, ШТО Б Я ХАЦЕЎ БАЧЫЦЬ НА БЕЛАРУСКАМОЎНЫМ КАНАЛЕ:
- кантэнт, перад якім ставіць задачу толькі трансляцыі белмовы, пашырэння лексікі, агульнай і спецыяльнай (тэхнічныя навукі, біялогія, мастацтва ды інш.), "натуралізацыі" яе для гледача. я даўно мару аб тым, каб глядзець асобныя перадачы з таго ж "Дыскаверы" і інш. на белмове. гэта было б насуперак меркавання, што "немагчыма нічога высокага выразіць".
- кантэнт у фармаце "дыскусіяў". па гісторыі, напрыклад, запрашаць гісторыкаў і "гісторыкаў", без каментароў і вывадаў. і хай пераможа праўда.
- кантэнт у фармаце "а як гэта ў іх" - і, магчыма, "па замове якога-небудзь Еўрапейскага фонду спрыяння развіццю культуры" - "іх" тэатр, "іх" фатаграфія, архітэктура, мастацтва і далей бясконца.
- этнаграфічны кантэнт - таксама неабмежавана. напрыклад, суботняя ранішная перадача "Літоўская гаспадыня" - па "простай" кулінарыі і нядзельная - "Сняданак у Сапегаў" - па "высокай". каб даводзіць, што беларускае - ня толькі ў аборах, але й сапраўды "па-еўрапейску".
- кантэнт дзіцячы. ад перадач для бацькоў да мультоў, дубляваных па-беларуску. навучальныя ды забаўляльныя перадачы.
- для фанатаў, кшталту мяне, - каталіцкія і праваслаўныя казані нармальных святароў. ёсць такія, а калі яшчэ й па-беларуску...
- тупа, нармалёвае кіно, з беларускім дубляжом.
Плюсуюся да меркавання... Каб былі тыя ж дыскусіі цікавыя і нават не трэба пра палітыку, тое, што ўжо заваявала сімпатыі гледачоў усяго свету (дыскаверы і падобнае) толькі ў перакладзе на беларускую, фільмы, старыя і сучасныя, мульцікі дзецям, пачынаючы ад класікі, так бы мовіць, і аж да "смешарыкаў", "Машы і Мядзведзя " і інш.....))) Эх..нават мяне б можна было б, напэўна, да тэлевізара вярнуць....
