Пра ўсё па-беларуску.

[Zoryana]

Звычайна тыя, хто за інтэрнацыяналізм, разважаюць так: а навошта вучыць беларускую,

Гэта не звычайна, проста Вам, хутчэй за ўсё, не пашанцавала сустрэць сапраўдных інтэрнацыяналістаўardon:

 

[Stasia]

Я, беларуская нацыяналістка, за інтэрнацыяналізм. Таму вучу замежныя мовы.
Так, і хацела яшчэ пра спадара і пана дадаць. "Пан" для беларусаў мае негатыўнае адценне, як уладар. І гэта не таму, што слова кепскае, а таму, што так склалася гістарычна. Бо гэта быў зварот і ў часы Рэчы Паспалітай сярод паланізванай шляхты, і ў часы далучэння Заходняй Беларусі да Польшы сярод акурат маючых уладу і маёмасць. І таму у нас гістарычна склалася, што "пан", той хто ўладарыць, а астатнія, я тут правільна сказалі, мужыкі. А "спадар" такога адцення не мае.
Дакладней мае, але ўжо іншае, дзякуючы БТ. "Спадары" -- змагары.То бок ненармальныя, нефармальныя грамадзяне. Есць беларускія нармальныя мужыкі, а ёсць змагары -- тыя, хто супраць народу. Але маё спадзяванне, што мы гэта перарасцем.

 

[Zoryana]

Я, беларуская нацыяналістка, за інтэрнацыяналізм. Таму вучу замежныя мовы.

+100 :clapping::so_happy:

 

[k_ja_ra]

Stasia, вось вялікі Вам дзякуй! І за пана. (хоць нехта са мной згадзіўся :flirt. І за "інтэрнацыянальны нацыяналізм". )))
Проста да таго, каб пра інтэрнацыяналізм разважаць, ІМХО, добра б з нацыя- пачаць. Бо не паважаючы сябе (сваю нацыю) немагчыма і да астатніх з павагаю ставіцца.))) І каб замежныя мовы вучыць, няблага ўсё ж сваёю валодаць...:rtfm:

Дакладней мае, але ўжо іншае, дзякуючы БТ. "Спадары" -- змагары.То бок ненармальныя, нефармальныя грамадзяне.

Праўда? А то я ўжо забылася, калі тэлевізар глядзела, дык нават не ў тэме... Ясна. Акрамя таго, што бел. мова выключна з опамі асацыюецца, Жыве Беларусь амаль экстрэмісцкім лозунгам прызнаны, дык і спадары не ў пашане...))) Цяжкі выпадак...

+100

А чаго Вы апладуеце? :acute: Заўважце, нацыя - гэта першаснае.)))

А інтэрнацыяналізму нас навучылі...Гэта так.))

 

[Zoryana]

Заўважце, нацыя - гэта першаснае.))) А інтэрнацыяналізму нас навучылі..

Асабіста мне гэта слова - нацыяналізм - не вельмі падабаецца.Збольшага таму, што для мяне яго магчымыя "працягi" - нацызм, шавінізм, расізм. Але, калі для вас "нацыяналізм" тое, што для мяне "патрыятызм" (а гэта, здаецца, так), то, лічу, няма сэнсу высвятляць, што з іх (нацыяналізм ці інтэрнацыяналізм) галоўнае ці першаснае.

 

[k_ja_ra]

няма сэнсу высвятляць

Ага.)) Мы з іншага пачалі. Чаму беларусы рэдка размаўляюць па-беларуску? Адказ просты аж да не магу. Бо не ўмеюць! (Як варыянт, умеюць, але блага)
А вось чаму не ўмеюць? Дык на другое пытанне не адказваю.(с) ))

 

[Вишенка]

Намаганні, праца над сабой прадугледжваюць дакладнае ўсведамленне: дзеля чаго?

Вось было б трэба, каб атрымаць добрую працу - хутка б усе вывучылі і пачалі размаўляць! На жаль, у нас гэтага пакуль няма....

 

[k_ja_ra]

На жаль, у нас гэтага пакуль няма....

І я пра тое.))) І найпершае - каб усе, абсалютна ўсе дзяржаўныя служачыя (збольшага чынушаў маю на ўвазе) згодна з так званым законам мусілі СВАБОДНА абедзвюма дзяржаўнымі мовамі валодаць. Каб гэта ўмоваю прыёму на працу было. Глядзіш, і іншыя б пацягнуліся.)))

А пакуль двухмоўе дэкларуецца толькі на паперы, а па факце беларускамоўнасць не пажадана, прычым сярод чынушаў у першую чаргу (і не пажадана - гэта мякка кажучы), будзем гадзіны белмовы ў школе/каледжах/ВНУ, як павіннасць адбываць...

 

[anty]

Адказ просты аж да не магу. Бо не ўмеюць! (Як варыянт, умеюць, але блага)

менавіта так

Вось было б трэба, каб атрымаць добрую працу - хутка б усе вывучылі і пачалі размаўляць!

так і тут
знешні матыў працуе не горш за ўнутраны

а па факце беларускамоўнасць не пажадана, прычым сярод чынушаў у першую чаргу (і не пажадана - гэта мякка кажучы)

нууу, можа я не ў тэме
але я не заўважыла ў час сваей працы чыноўнікам каб неяк не пажадана гэта было, проста абыякава. а "абыякава" можна дапусціць калі мова жывая, яна есць, а калі мовай не карыстаюцца, і трэба яе "ажывіць" то патрэбны намаганні, жаданні, рэальная палітыка

 

[k_ja_ra]

бяз стратаў

Ну дай Божа... Але "мяне раздзіраюць цяжкія сумневы" (с)

я не заўважыла ў час сваей працы чыноўнікам каб неяк не пажадана гэта было

Я спрачацца не буду. Бо, шчыра кажучы, са свечкаю не стаяла. Так, тыя, хто бліжэй сутыкался, распавядалі... ))) Дарэчы, а як даўно ты чыноўнікам працавала?)))

І яшчэ, anty, калі дазволіш... У мяне адчуванне, што мы з табою не даразмаўлялі... Можна ў прыват, але ўжо калі пачалі... Спытаюся так: у мяне захавалася права ВК наведваць? У тым сэнсе.. не проста ў якасці платнага кліента?)))
Бо ў чым-чым, а ў адсутнасці шчырасці, здаецца, мяне нельга абвінаваціць... Хутчэй наадварот...

проста абыякава. а "абыякава" можна дапусціць калі мова жывая

Вось такі падумала, мо мы пра рознае?... Да бел. мовы наогул, так, абыякавае. А я пра то, што будучы беларускамоўным у паўсядзённым жыцці, стаць/быць/працаваць чыноўнікам нялёгка, не? Непажадана. Лепш як усе, а?

 

[anty]

Так, тыя, хто бліжэй сутыкался, распавядалі... )

ну я бліжэй не бывае. сапраўдным чыноўнікам. але я разумею што ўсе ьывае. можа хто ў якім міністэрстве і быў супраць.
я не працую 3 гады.

пра апошнія радкі. я нават распачувалася ўся. ты што??? даразмаўлялі мы ці не - я маю да цябе самыя добрыя пачуцці. хто мяне брудам палівае - я і ў тых шукаю добрае, думаю чаму так атрымалася, што ў чалавека такая на мяне рэакцыя. і нават дзеля іх адчынена мая брама. можа цалаваць не стану, але ніколі не адкажу "не падыходзь да мяне".
табе заўседы рада

ай ай... што ж я за злыдзень такі... што мяне добры люд так разумее дрэнна... ай ай ))

А я пра то, што будучы беларускамоўным у паўсядзённым жыцці, стаць/быць/працаваць чыноўнікам нялёгка, не? Непажадана. Лепш як усе, а?

за сябе не скажу, бо ты ж бачыш, забыла я сваю мову, кожную літару падбіраю.
але ў нас была дзяўчына-сакратар, размаўляла толькі на беларускай мове, я - заслухвалася, вельмі прыгожа, я не бачыла каб хто-небузь рэагаваў хмура. усім падабалася.

а мабыць мне самой падабалася, так мне здавалася, што і астатнім таксама... )

 

[k_ja_ra]

адчынена мая брама

Недзе я пра гэта бачыла.

anty, дзяк, зразумела цябе...)) А то неяк - ці то ён пакрыўдзіўся, ці то крызіс у краіне.. (с) Можна было прасцей: права маеш. І ўся справа.

 

[anty]

Можна было прасцей: права маеш. І ўся справа.

чаму ж
зараз у меня есць час
я з радасцю і складана... (пра крыўду... на пакрыўджаных ваду возяць - гэта і мая прыказка. так я лічу, што крыўдзяцца людзі, калі не маюць цікавасці дамовіцца... ну... я сабе не дазваляю)


па тэме. мы дамовіліся што ў нядзелю мы дома размаўляем толькі на беларускай мове. хто памыляецца - кладзе ў скрыначку штраф )))

 

[Vesna]

штраф

колькi?

 

[Лапа]

Кьяра, ведаеш, я лiчу, што нiчога добрага не адбудзецца ад прымусовага перахода да беларускай мовы. Было ужо гэта, спрабавалi, i дарэчы, лiчу, спроба адбылась неудалая и прывяла яна к таму, у тым лiку, шта зараз маем

 

[k_ja_ra]

anty, пра крыўду. Гэта не да цябе. Так, выраз узгадаўся. З той нагоды, што не ўсё ясна. Як бы.

мы дамовіліся

Здорава. ))) Мне цяжэй. Я адна. Зрэшты, як амаль заўсёды...))

колькi?

Без абеду пакінуць, я б прапанавала. . Бачыце, якая я злосная.

 

[Вишенка]

я лiчу, што нiчога добрага не адбудзецца ад прымусовага перахода да беларускай мовы. Было ужо гэта, спрабавалi, i дарэчы, лiчу, спроба адбылась неудалая и прывяла яна к таму, у тым лiку, шта зараз маем

Нешта я не памятаю ніякага прымусовага пераходу да беларускай мовы. А памяць у мяне добрая

 

[k_ja_ra]

нiчога добрага не адбудзецца ад прымусовага перахода

Прымусовы пераход - калі ўсіх грамадзян. нават тых, каму 100 год. А чыноўнікі абавязаны законаў пільнавацца. А паводле закону моў дзве. ))) Фільмы ў кінатэатрах я б прапанавала з беларускім дубляжом рабіць. Прычым амаль усе. 3д - асабліва. Цэлы гледачы будуць. На палову сеансаў можна б было згадзіцца, калі б насамрэч у нас 2 мовы існавала. А не тое, што адна ў выглядзе "амерыканскіх індэйцаў".

Дакладна, Вішанька, я таксама ПРЫМУСОВАГА не памятаю. Спробы адрадзіць, хоць крышачку - былі, але каб гвалтам - не.

 

[Лапа]

Вишенка,было-было, я тады навучалася у каледжы. наставнiкi мовы не ведалi, праз слова было нешта не зразумелае, складана было усiм. Ва унiверсiтеце таксама адзiн прафесар спрабавал навучыць нас мове, але гэта было настолькi няудала, што мы нават и яго прадмета не даведалicя, але я добра памятую, як большасць у группе не жадала нават чуть беларускую мову, ня то, што адказваць на ей. А калi б да гэтага падышлiз розумом i тыя наставнiкi, хто ведае мову, то лiчу, усе ж было б iнакш.

Кьяра,але ж гэта прымус i як для мяне, не вельмi добра. Я лiчу, что павiнен быць выбар, а зацiкавлiваць трэба з розумам. Вось есць у нас БТ, яно павiнна быць толiкi на роднай мове. Iна гэтым канале можна было б пускаць нейкiя напрыклад новыя фiльмы, якiя а нiгдзе больш не убычыш. I на мове. Не жадаешь, не глядзi. А хацецца будзе, будзе спроба, адна-другая-дзясятая, глядзiшь зацiкавяцца людзi але ж адчуваць буду як самi вырашылi. У кiнатэатрах таксама усе навiнкi першыя тыднi можна только на мове, чакай, калi хочаш на русскай.

 

[anty]

колькi?

яшчэ не вырашылі ) увечары абсудзім