Пра ўсё па-беларуску.

[Nulka]

Кьяра,
бачына -- старонка. ну і сайт, у сэнсе -- інтэрнэт-старонка

 

[Юлллса]

Кьяра,
бачына -- старонка. ну і сайт, у сэнсе -- інтэрнэт-старонка

і насамрэч, у ангельскай жа сайт - іменна ад слова "глядзець". Цікава! І дзякуй вялікі за новыя для мяне словы.

 

[k_ja_ra]

бачына -- старонка.

Нават так? ))) А націск куды?

 

[Nulka]

Кьяра,
хм. я слова не ўжываю, але, мяркую, на першае А

 

[Шона]

МАКСІМ ТАНК

Калі хочаце авалодаць
Нашай мовай,
Вывучайце яе не па граматыках,
Каноны якіх часта бываюць
Супярэчлівымі;
Не па слоўніках,
Якія старэюць раней,
Як выйдуць з друку;
Не па шыльдах,
Якія часта мяняюцца.

А вывучайце
Па спрадвечных нашых пісьмёнах
Крыніц, дарог, плугоў,
Па гоману дрэў
У вясновым і зімнім уборы,
Па матчыных калыханках
На змярканні і ў час зарападу,
Па цішыні папялішчаў Хатыні
І брацкіх магіл,
Па зязюльчынай варажбе
І жураўлінаму крыку,
Па грому салютаў
І шэлесту нашых сцягоў,
Па ззянню агнёў
І расплаўленай сталі ў вагранках,
Па поціску рук…

 

[k_ja_ra]

я слова не ўжываю

Разумею цябе.

мяркую, на першае А

Па мне , усе 3 варыянты дзіўна гучаць.

Калі хочаце авалодаць
Нашай мовай,

Шона, гучыць прыгожа, але далёка ад жыцця, на жаль. ))) Такі даводзіцца па граматыках і па слоўніках.)))

 

[Marisol]

http://vk.com/nasha_mova_top_100

 

[Вишенка]

Па матчыных калыханках

па "матчыных калыханках" я вывучала ангельскую а беларускую - менавіта па бабуліных калыханках...

 

[Ильгрия]

а беларускую - менавіта па бабуліных калыханках...

І я так проста і натуральна было перайці з расейскай на беларускую, калі прыязджалі на вёску да бабулі, дзе ўсе гамоняць, амаль што, чыста па-беларуску...У маіх дзяцей магчымасці такой німа, бо даўно ўжо на жаль няма маёй бабулечкі, а яна ў мяне такая красамоўная была, такімі прыказкамі сыпала польска-беларускімі- смаката! Цяпер рады ў гады бываем ў родных на Гродзеншчыне, на жаль...часцей па тэлефоне і ў інтэрнэце сустракаемся...

 

[k_ja_ra]

Трасянска – беларускі слоўнік.

http://arche.by/by/page/science/8940

 

[имя-как-имя]

Можа каму спатрэбіцца:

Пачынаюцца бясплатныя заняткі па беларускай мове і гісторыі для вучняў 7-х і 9-х класаў школ Мінска і Мінскага раёна. Яны будуць праходзіць на сядзібе ТБМ (вул. Румянцава, 13, ст. метро «Плошча Перамогі»).

Першыя заняткі для дзевяцікласнікаў — 4 красавіка (серада), 16.30. — 18.20.
Першыя заняткі для сямікласнікаў — 6 красавіка (пятніца), 17.00. — 18.50.

Чытаць цалкам: http://nn.by/?c=ar&i=70769
​

 

[k_ja_ra]

имя-как-имя, якая файная навіна! Кінь яшчэ ў тэму беларускай мовы ў школах. Горш не будзе.

 

[Ильгрия]

имя-как-имя, выдатная навіна))) Хаця мы і не пападаем- усё роўна добра!

Кьяра, на жаль у нас с гуртком не атрмліваецца, старэйшы пакуль не зможа хадзіць, а малодшага аднога няма каму падвозіць да "пункту перадачы"...

Але можна , як небудзь, на добрае веснавое надвор'е выбрацца кампаніяй на выхадных, калі пацплее...

 

[k_ja_ra]

Ильгрия, ага, дзяк за інфу па гуртку. Якраз хацела ўдакладніць у цябе пра гэта.)))

Наконт выходных - не супраць.

 

[Ильгрия]

Наконт выходных - не супраць.

Тады чакаем добрае надвор'е, каб можна было на вуліцы больш пабыць, бо мы у замкнёных памяшканнях, тыпу кафэ, можам спакойна знаходзіцца толькі пака ямо )))Ты ж нас бачыла- разумееш...

 

[k_ja_ra]

Як хутка пачаць размаўляць па-беларуску.

Курсы мовы для тых, хто хоча пачаць гаварыць на роднай мове. Калі вы цікавіцеся беларускай мовай, але пакуль не наважыліся пачаць гаварыць у паўсядзённым жыцці па-беларуску, – запрашаем вас зрабіць разам з намі 10 крокаў для таго, каб пераканацца, што гэта магчыма!

Хуткі спосаб стацца ў кароткім часе беларускамоўным. Цікавыя тэсты, пераадоленне бар’ераў, вучоба і практыка – за 10 заняткаў.

Гэтыя бясплатныя курсы будуць праходзіць шточацвер ў царкве “Ян Прадвесьнік”.

Першы занятак – чацвер, 12 красавіка (апреля). Занятак будзе праходзіць з 19.00
да 20.30. Сустракаемся на платформе ст.метро “Маладзёжная” ў 18.30.

Выкладчык — Аляксей Шэін

))))))))))))))))

Яшчэ цікавая інфармацыя:

Учора, 5 красавіка ў кнігарні логвінаЎ адбылася прэзентацыя прыгодніцкага рамана Ксеніі Шталянковай "Адваротны бок люстра" . Кніга адрасавана падлеткам.

Крыху пра раман: 15-гадовая школьніца з сучаснай Вільні трапляе ў ХVI ст., дзе знаёміцца з маладым шляхціцам Міхалам Саколічам. Гэтай пары давядзецца пабываць пры двары Жыгімонта Аўгуста і Барбары Радзівіл і трапіць у самы вір інтрыг і змоваў Вялікага Княства.

Сама б пачытала. Трэба паглядзець на сайтах ці кнігарнях...

Інфа адсюль:
http://arche.by/by/page/promo/9522
http://arche.by/by/page/promo/9543

 

[Znaika]

Дзесяць самых частых памылак у беларускай мове
http://news.tut.by/society/284204.html

 

[k_ja_ra]

Турцыя. Ад няма чаго рабіць бадзяемся па маленькіх крамах з рознай непатрэбнай дробяззю.
— Россия? — амаль без акцэнту пытае мяне палкі турак, спрабуючы збыць чарговую фігню.
— Беларусь, — махаю галавой, даючы зразумець, што нічога ў яго не атрымаецца.

— О! Я-ка-ха-ю Бе-ла-русь!..

​

http://nn.by/?c=ar&i=72025

з каментароў:

Усё б была сьмешна, калі б не было праўдай. Пару дзён таму ехаў зь Менску да Варшавы аўтаспынам. Стаяў з аркушам на каторым напісана PL. Аўтаматычна пачаў размаўляць з кіроўцам па-беларуску. Як вынік 100 кілометраў ён шчыра думаў што я паляк, а ён добра разумее па-польску.

 

[k_ja_ra]

на конт гэтага

Аднак. Толькі наконт разам.( http://slounik.org/search?dict=&search=наконт&x=0&y=0) Вішня, я цалкам згодная. ))) Гэта з серыі "у гэтай сувязі" (правільна: "у сувязі з гэтым")... Я ведаю гэта, але такі часам вядуся на падобныя недакладнасці... Не ведаю, навошта... Напісала - напісала, хоць і ведаю, што непісьменна гэта. Але тут беларуская, як такая, ні пры чым, гэта моўныя памылкі, якія і ў расейкай маюць месца... Каюся... )))

чакаю

Зламала галаву, шчыра. Пашкадавала, што выкідваю ўсё без памяці. . Бо тады Вячорка раздаваў на аркушыках прыклады, там нешта пра краіны было...не памятаю...

Але вось прыдумала так:

Маці хворая і я ўпэўнены, што ёй палепшае.

Тут, праўда, яшчэ коска ролю грае. (пасля хворая) Але іншага не прыдумваецца. Дый не факт, што гіпатэтычны аўтар наконт коскі ў курсе.
То бок сэнс у тым, што поўная форма мужчынскага роду і кароткая множнага ліку супадаюць. І ў гэтым мной прапанаваным прыкладзе не ясна, хто ўпэўнены? Маці і я? Ці толькі я? Калі маці і я, поўная форма множнага ліку абавязковая. (упэўненыя)

Спадзяюся, растлумачыла. Хаця дзеля справядлівасці, можа гэта як бы сінтаксіс і ёсць? Я ў такіх нюансах тэрміналагічных не надта абазнаная. Я не лінгвіст. Мне сэнс - зразумелей. А сінтаксіс - гэта як выразы і сказы будуюцца, так? Што з якім прыназоўнікам і г.д.? Прынамсі я так разумею...)))



Яшчэ раз свой сказ перачытала:

энергазатраты ўжо не так важны

Такі тут "важны" трэба. Ці тады ўжо "не такія важныя".

 

[Вишня-черешня]

Але тут беларуская, як такая, ні пры чым, гэта моўныя памылкі, якія і ў расейкай маюць месца...

ненене, гэта ўвогуле не памылка, а нешта накшталт спатыкачу)) Ідзеш ідзеш і на роўным месце спатыкаешся.
У мяне такое таксама здараецца, адно з рускай мовай.

Такі тут "важны" трэба. Ці тады ўжо "не такія важныя".

важны - ён мой, а энергазатраты - яны мае, таму - важныя
а калі важнЫ то русізм
вось і ўсё)