Пра ўсё па-беларуску.

[subaru]

Кьяра, вялікі табе дзякуй за спасылку, так яна мне да тэмы прыйшлася)) Толькі не зразумела наконт напісаньня "зь йіншымі, зь йІраю, церазь йІндыю..." Наконт гучаньня-вымаўленьня так, а вось пісаць як? І наконт таксама напісаньня "зь'ява, разь'юшаны..." - такім чынам патрэбныя ь з ' разам? Так?

з імі

па апошніх слядах тады ўжо зь йімі, так? :derisive:

 

[k_ja_ra]

subaru, давай разбярэмся. Ты што-небудзь пра тарашкевіцу ці класічны правапіс чула? Гэта правапіс (калі вельмі-вельмі груба) з мяккімі знакамі і ёсць. Згодна з ім будзе пісацца "зьява".
Правапіс, якім карыстаюцца сёння ў школах, завецца наркамаўкай. Згодна з ім пішацца "з'ява".
Але.
Вымаўляецца "з" у слове з'ява у кожным разе мякка.

Калі цябе класічны правапіс, хаця б для агульнага знаёмтва цікавіць, пагартай тут
http://knihi.com/storage/padrucnik/index_by.htm
Вельмі карысна, імхо. Нават калі ім не карыстацца, мозг чысціць якасна, я б сказала.

Зараз што да "зь йімі". Й не пішацца нават у тарашкевіцы. Але ён вымаўляецца. Пра гэта якраз па спасылцы таксама ёсць. То бок вымаўленне "і" ў словах іншы, мама і тата (мама й тата, калі тарашкевіцай) і пішу - гэта тры розныя гукі па сутнасці.
Але пазначаюцца ў кірыліцы адным і тым жа сімвалам.

 

[subaru]

Кьяра, дзяк))

пра тарашкевіцу ці класічны правапіс чула

вядома ж чула)) і чытала аб розьніце таксама)) і дагэтуль карысталася толькі наркомаўкай... але ж... паўтаруся, цягне на зьмякчэньне... ў гэтым стане жадаю аддацца інтуіцыі, але ж і памылкі рабіць не хочацца... вось і шукаю, блытаюся пакуль))

Другое... я не адзіны раз бачыла і чытала, што народ карыстаецца й на пісьме таксама... як у тваім прыкладзе, не толькі вымаўляюць, але і пішуць

мама й тата

Далей... прабачце мяне, але ў сюжэце па тваёй спасылцы сказ ідзе толькі пра гучаньне і вымаўленьне, ці напісаньне там прыводзіцца таксама карэктнае? Не зразумела нешта... вось і ўдакладняю))

 

[k_ja_ra]

subaru, ты прабач, калі я гавару тое, што не новае для цябе. ) Я не сумняваюся ў кімсьці...так, на ўсялякі выпадак, дзеля разумення. ) Проста я, прыкладам, 2 гады таму пра існаванне нейкай там тарашкевіцы слыхам не чула. )

У перадачы ўсё карэктна. Там мяккія знакі, як памятаю, у косках пісаліся, чыста для яснасці і нагляднасці, як разумею. У астатнім пісалася паводле афіцыйнага правапісу, не?

Што да жадання пісаць са змякчэннямі...
Тарашкевіца і класічны правапіс - гэта далёка не толькі мяккія знакі. Гэта іншае вымаўленне ( а значыць напісанне) многіх словаў, гэта пэўны пласт лексікі, гэта своеасаблівы сінтаксіс, гэта "памыляесся", а не "памыляешся", гэта "чэскі", а не "чэшскі" і г.д.

Асабіста для мяне гэты пласт мала пад'ёмны, каб вольна ў ім пачувацца.
А ты глядзі сама.

народ карыстаецца й на пісьме таксама..

Так. Але ў выпадках пасля галосных. А не для пазначэння ётавага вымаўлення гука "і", як у слове іншы. Я пра гэта. )

 

[subaru]

у косках пісаліся, чыста для яснасці і нагляднасці, як разумею. У астатнім пісалася паводле афіцыйнага правапісу, не?

вось гэты самы момант я і удакладніць пытаюся))

Тарашкевіца і класічны правапіс - гэта далёка не толькі мяккія знакі

адзін у адзін словы майго браціка))) я пакуль паплаваю тут ці там, а потым, спадзяюся, самое ўдакладніцца)) адзінае, чаго хацелася б пазьбегнуць (зноў жа - ці пазьбегчы?) у наступны момант, так грубых памылак на пісьме. Пішу па-беларуску пакуль толькі тут, размаўляю перыядычна па скайпе... спадзяюся, што калі пачну чытаць шмат мастацкай літаратуры, многія пытаньні зьнікнуць самі сабою)) вось зноў жа - сабой ці сабою... правілы я чытаю таксама)) але знайшла толькі самой/самою - абодва варыянты карэктныя...

Так. Але ў выпадках пасля галосных. А не для пазначэння ётавага вымаўлення гука "і", як у слове іншы. Я пра гэта. )

дзяк, ужо дайшло)) не адразу, праўда))

Я не сумняваюся ў кімсьці...так, на ўсялякі выпадак, дзеля разумення. )

не-не, са мною можаш не цырымоніцца, я сур'ёзна таксама, калі што))

 

[k_ja_ra]

subaru, спецом перагледзела.)
Там гаворка пра афіцыйны правапіс. Усё, што ў косках (мяккія знакі і й) не пішацца. Толькі вымаўляецца.
Таму ніякіх адначасовых апострафаў з мяккімі знакамі. )

пазбегнуць

з мяккае. Значыць з мяккім знакам у тарашкевіцы мусіць быць.

сабой ці сабою

І так і так правільна.

калі пачну чытаць шмат мастацкай літаратуры, многія пытаньні зьнікнуць самі сабою

У сэнсе змякчэнняў/класічнага правапісу? Ну тады напісанае такім правапісам і чытаць давядзецца.)
Дый...не сказала б, што гэта ўсе пытанні знімае. Хаця, можа, гэта мне.

 

[katia-ka]

але ж... паўтаруся, цягне на зьмякчэньне...

што калі пачну чытаць шмат мастацкай літаратуры, многія пытаньні зьнікнуць самі сабою))

Вось я так прачытала "Міларусь" Вольскага і пасьля ўжо не змагла бяз ь

 

[k_ja_ra]

А ну-ка, носьбіты беларускай, натуральныя і штучныя. а падкажыце мне, клск.
Дзеяслоў "дапяць" ужываецца ў сэнсе ўцяміць, зразумець, "дайсці мозгам"?

Ну прыкладам... "Нарэшце дапяў, да чаго тое ўсё было".

У мяне адкульсьці менавіта ў гэтым кантэксце слова ўсплывае, а гляджу ў слоўніку і чудоўным гугл-перакладчыку )) - зусім іншы сэнс слова там прапануецца.
Я штосьці сама сабе выдумляю? Ці ўсё ж адкульсьці ногі растуць?

 

[subaru]

спецом перагледзела.)

дзяк за цярпеньне)) я зараз на сьвежую галаву ўсё таксама зразумела)) гэтае й у артыкулах заблытала мяне цалкам))

ўцяміць, зразумець, "дайсці мозгам"?

па мне дык так... але я пакуль не лазіла ў слоўнік.
А што табе выдае?

Праверыла - он достиг - тое ж самае.

 

[k_ja_ra]

А што табе выдае?

Булыка (школьны, дачкі) - добіться, достічь, і нават "очутіться"
Некрашэвіча-Байкова - упрекать.

гугл - добраться.)))))

Проста ў мяне часам бываюць падобныя "інсайты". Раптам якое слова з нетраў памяці вылазіць. Але паколькі пэўнасці няма, я звычайна потым у слоўнік лезу і правяраю, што мне там маё падсвядомае выдала. ))
Звычайна - парадак.) А тут такі затык.))) Чаго і пытаюся. Я з галавой пасварылася, ці такі нешта ў гэтым ёсць? )

Тваё "па мне дык так" цешыць. ))) А то хвалююся ўжо.)))) За сваё псіхічнае здароўе.))))))))))

 

[имя-как-имя]

Мне гугл выдаў наступнае: дапінаць - допекать, дапяла - поняла, дапяў - добрался. На розны густ.

 

[Nulka]

імга, "дапяў" -- гэта і калі "дайшоў" (дасягнуў, дабраўся), і калі "дайшло".

 

[subaru]

...у кантэксце нашага абмеркаваньня з глыбіні памяці вылезла "датумкаць"))

"Міларусь" Вольскага

аднак як усё ж такі карысна напружыцца часам))) пару дзён таму ўспамінала, успамінала, што ж за кніга ў хаце засталася з сучасных і непрачытаных, нават вокладка перад вачыма стаіць))) yes! яна самая!:yes:

 

[k_ja_ra]

Шаноўнае спадарства!
Грамадскае аб'яднанне "Таварыства беларускай мовы імя Францішка Скарыны" запрашае сяброў і прыхільнікаў роднага слова ад 18 гадоў да 65 гадоў прыняць удзел у даследчай працы па вывучэнні рукапісных сімвалаў беларускай мовы. Трэба будзе паўдзельнічаць у запаўненні падрыхтаваных анкет з напісаннем беларускіх слоў, некаторых фраз і г.д.
Увесь удзел зойме 30 хвілін.

Праца будзе весціся ў наступныя дні:
11 чэрвеня 13,00 - 13,30; 13,30 - 14,00; 18,00 - 18,30; 18,30 - 19,00.
12 чэрвеня 18,00 - 18,30; 18,30 - 19,00.
13 чэрвеня 18,00 - 18,30; 18,30 - 19,00.

Для ўдзелу неабходна падысці на сядзібу (Румянцава, 13) у выбраны Вамі час.
Удзельнікі гэтай акцыі атрымаюць прызы ад ТБМ.

====
прыкольна.) Я б паўдзельнічала. ) Але мы з'яджаем.

 

[k_ja_ra]

Жывая мова ад Юрася Бушлякова - проста скарбніца для тых, хто цікавіцца бел. мовай.

Вельмі раю...

 

[katia-ka]

вечная памяць спадару Юрасю...

 

[subaru]

прыкольна.) Я б паўдзельнічала. ) Але мы з'яджаем.

згодная, цікава, але і мяне таксама яшчэ не будзе...
Захапілася тваёй спасылкай... і пра Й амаль цалкам усё зразумела))

katia-ka, вельмі шкада...

 

[k_ja_ra]

Захапілася тваёй спасылкай

аналагічна. І як я раней не ведала... Столькі адказаў на свае колішнія пытанні, якія нават у гэтай тэме задавала, знайшла.

 

[Igra]

Як вам падабаецца,спадарства?
http://www.youtube.com/watch?feature=player_embedded&v=601dr1iX9ng
Нешта не атрымалася інакш,таму спасылка на відэа.

 

[k_ja_ra]

Igra, не магу па мабільным інтэрнеце відэа глядзець.
Але па першай карцінцы і па апошняй, а таксама па каментарах магу здагадацца збольшага.

Што да мяне, дык мяне ўвогуле дасталі гэтыя рэкламныя кампаніі "за мову". Усе. Я асабіста не бачу ў іх аніякага сэнсу. Не выконваюць яны, імхо, сваёй задачы. Тыя, хто размаўляюць - працягваюць размаўляць. Тыя, хто спачувае - працягваюць спачуваць. Тыя, хто ў лепшым выпадку не бачыць сэнсу, бо атавізм, а ў горшым адкрыта ненавідзіць - працягвае не бачыць сэнсу і ненавідзець.
І градус нянавісці толькі павялічваецца.
Таму толькі словы-словы-словы, і нічога на справе.

Ніякіх станоўчых пераменаў не будзе да таго часу, пакуль дзяржава не скіруе ў гэты бок свае інтарэсы.
Астатняе - лірыка, ад якой проста млосна ўжо. Мне. Іншым - не ведаю.

Я проста рэальна сутыкаюся і бачу стаўленне не тых, хто ў тэме на мове ці каве, а шэраговага грамадства. Няцярпення шмат. І неразумення шмат. Але ёсць і роўнасць, што цешыць.

Што да гэтага роліка непасрэдна. То такі так. Мова ЗНІКАЕ, а не пераўтвараецца ў зомбі і пачвару.

Таму незачОт. (хаця робім зніжку на тое, што я ўласна кажучы "не чытала, але асуджаю".)) Але паўтаруся, па першым і апошнім кадры і водгуках мяркую)