Пра ўсё па-беларуску.

[katia-ka]

Ну нельга ж гадамі трасяніць на элементарным. І гэта з улікам мегабеларускамоўнага асяродку.

дзякую, даражэнечкая. Што б я рабіла без цябе )) А калі так хвалюе мой асяродак, што не можаш не ўпікнуць, дык адрас "Ў" ты ведаеш, прыходзь, будзе і табе з кім пазнаёміцца ))

 

[k_ja_ra]

Да асяродку твайго мне справы няма, са сваім бы разабрацца.
А вось хаціце і хацім, прызнаюся, за гэтыя гады падстамілі.
Шчыра не разумею, як такое мажліва...
Гэта ўпартасць, прынцып, поўная адсутнасць памяці? Так кажуць у асяродку?
Не разумею...

 

[Igra]

урачы

Гэта насамрэч так?
Гучыць жудасна))А як трэба?Лекары,медыкі ці яшчэ як?

 

[Marisol]

Лекары,медыкі ці яшчэ як?

Лекар, доктар.

 

[IrishN]

Скажыце, калі ласка, ёсць у белурскай мове слова "асенні"?

 

[Marisol]

IrishN, ёсць 2 варыянты - восеньскі і асенні.

 

[k_ja_ra]

Гэта насамрэч так?

урач, -а, мужчынскі род
Асоба з вышэйшай медыцынскай адукацыяй; доктар. Зубны урач. Санітарны урач. Урач-тэрапеўт. Участковы урач. Галоўны урач санаторыя.

http://www.skarnik.by/tsbm/87346

=======

Скажыце, калі ласка, ёсць у белурскай мове слова "асенні"?

асенні, -яя, -яе.
Які мае адносіны да восені; звязаны з восенню, які адбываецца восенню; восеньскі. Асенняе раўнадзенства. Асеннія месяцы. ▪ У Заборцах было некалькі хат, больш прасторных і светлых, дзе ў доўгія асеннія вечары збіралася моладзь. Колас. Золь асенняя, туман. Шэпчуць жоўклыя лісты. Ноч — сяброўка партызан, Друг іх верны — лес густы. Крапіва.

http://www.skarnik.by/tsbm/7224

У абодвух выпадках тлумачальны слоўнік беларускай мовы. 80-90-я гады выдання.

 

[Юлллса]

Гэта насамрэч так?
Гучыць жудасна))А як трэба?Лекары,медыкі ці яшчэ як?

))
А чаму мне не напiсалi?
Добра, што сама зайшла.

Гучыць жудасна)

- вось такая яна, суровая(с) беларуская мова. ))

 

[Igra]

Юлллса, а навошта мне вам пісаць?Мне ўсё роўна як вы пішаце-я для сябе пытаюся.

k_ja_ra, я спадзявалася,што няма такога слова у беларускай,бо гучыць фуфу,як па мне(Чыстая трасянка быццам бы па гучанню))Ой,не хачу яго ўжываць,хоць і ёсць яно ў слоўніках))

 

[k_ja_ra]

я спадзявалася,што няма такога слова у беларускай,

Дарма спадзявалася.) Там чаго толькі няма насамрэч.)

Ой,не хачу яго ўжываць,хоць і ёсць яно ў слоўніках

Вось. Гэта адзінае, што мы можам.) Карыстаць з розных варыянтаў тыя, якія і больш адпавядаюць праўдзе (у згаданым вышэй слоўніку Некрашэвіча-Байкова, першае выданне якога было ў 20-я гады мінулага стагоддзя, урача няма. Пазней у афіцыйных слоўніках ужо ёсць.), і арганічней гучаць.
Але і астатнія варыянты маюць права на існаванне тым не менш. Пакуль уваслед за моўнай практыкай не будуць перапісаныя слоўнікі.)

 

[Igra]

k_ja_ra, а ты сам якія словы ўжываеш датычна медыкаў?

 

[k_ja_ra]

Igra, урачом стараюся не карыстацца.) Доктар(ка), лекар(ка), медык.)
Але што праўда, калі патрабуецца словазлучэнне, ну як вышэй у прыкладзе: галоўны урач, то такі галоўны урач, так. Галоўны доктар ці галоўны лакар тут не гучыць, напэўна. Галоўны урач - ужо ўстойлівае словазлучэнне, якое не столькі прафесію абазначае, колькі пасаду. А з апошнім складаней.
Хаця...ёсць жа галоўны інжынер, чаму б не быць галоўнаму доктару?
Рускамоўнае мысленне ўсё адно, напэўна, сказваецца, на жаль. Ад яго непрыродным носьбітам адстроіцца, відаць, немажліва па азначэнні. Асабліва ў рускамоўным жа асяроддзі...

 

[Marisol]

Галоўны доктар ці галоўны лакар тут не гучыць

Галоўны лекар, ІМХО, шыкоўна гучыць.

 

[Igra]

Галоўны лекар, ІМХО, шыкоўна гучыць.

Так,і мне падабаецца-таксама хацела прапанаваць)

 

[k_ja_ra]

prosto_kat, твая праўда. Я мела на ўвазе не гучыць - у сэнсе нязвыкла.
Хаця звычка ж - справа нажыўная.)

і мне падабаецца

Ок. Угаварылі.)))
Вам, як спецыялістам-медыкам, бачней.)))))

 

[IrishN]

k_ja_ra, восеньскі дзень... няправільна? так? асенні дзень?

 

[Marisol]

k_ja_ra, я раніцай еду на працу, і, калі аб'яўляюць прыпынак, кожны раз мару пачуць "лякарня" замест "бальніца")) на мой погляд, лякарня лепш гучыць, бо бальніца - гэта там, дзе баліць, а лякарня - гэта там, дзе лечаць))

 

[k_ja_ra]

IrishN, і так і так правільна. Выбіраць вам. Але калі хтосьці побач абярэ іншае, выпраўляць яго не выпадае.) Бо і яго варыянт слоўнікам адпавядае.) Прынамсі пакуль.)

лякарня" замест "бальніца" на мой погляд, лякарня лепш гучыць, бо бальніца - гэта там, дзе баліць, а лякарня - гэта там, дзе лечаць

Гэта так.)

 

[k_ja_ra]

Беларускамоўная маці: Вырасціць сына, які размаўляе на "матчынай" мове, аказалася задачай нерэальнай.

 

[k_ja_ra]

Вялікая тэхналагічная кампанія з ЗША шукае носьбітаў беларускай мовы для збору аўдыяданых.

Тым, хто далучыцца да працы і дапаможа такім чынам развіццю беларускай мовы ў глабальным кантэксце, кампанія прапануе ганарар 25$. Акрамя беларускай важна валодаць яшчэ і ангельскай мовай, хаця б на ўзроўні чытаю, разумею, пішу.

http://generation.by/news6878.html