Пра ўсё па-беларуску.

[Igra]

і такі паехаць у Вену

Гэта цалкам сабе ажыццявіма (гэта я сама прыдумала)) ) У Вену, пасля нашых далёкіх падарожжаў зараз для мяне амаль што рукой падаць Глядзі, увоўдзеце ў густ і за вушы не адцягнеш) А ад Вены ўжо і Зальцбург блізка, а там нейкія 20 км і вы ў Баварыі Далей Мюнхен, а потым можна у Інсбрук-вельмі прыгожа, асабліва ўзімку) Ці праз Лінц на Чэхію і ў Прагу Вандраваць клёва, так? Каб так было магчыма-не працаваць, а толькі вандраваць-я б была радая))

Так што да Браціславы, можа, і ўвогуле не даедзем

Так, лепей у Будапешт-вось дзе прыгажосць)

 

[katia-ka]

k_ja_ra, я таксама параю Зальцбург.І Інсбрук! А яшчэ Кіцбюэль і Цэль-ам-Зее.

 

[Вишенка]

Так, лепей у Будапешт-вось дзе прыгажосць)

У Будапешце былі, сапраўды прыгожа. Але неяк асабіста мне адной паездкі ў Венгрыю хапіла. А ў Славакію я яшчэ хачу.

а там нейкія 20 км і вы ў Баварыі Далей Мюнхен,

Мне Баварыя найбольш спадабалася невялікімі гарадкамі і вёсачкамі, прыродай. Мюнхен пасля ўсяго гэтага глядзеўся неяк сумна...

 

[Atex]

А мы толькі з Адэсы прыехалі. І у гэтым падарожжы былі яўшчэ на Кімбурнскай касе і ў Кіеве )) так і адчуваю падарожны настрой, прыемна чытать )). Таксама у захапленні ад паездкі.

 

[Igra]

Мне Баварыя найбольш спадабалася невялікімі гарадкамі і вёсачкамі, прыродай. Мюнхен пасля ўсяго гэтага глядзеўся неяк сумна...

Па мне дык гэта проста розныя прыгажосці і кожная па-свойму. Я не параўноўваю, а ў кожнай сваё бачу і мне абедзве патрэбны Мюнхен спадабаўся, а гарадочкі-вёсачкі замілаванне, безумоўнае

 

[Вишенка]

Igra, нам чамусьці Мюнхен ну зусім не пайшоў. Планавалі паўдня проста пагуляць па горадзе, але ўжо праз гадзіну не ведалі, чым сябе заняць... Вельмі рэдка з намі такое бывае.

 

[k_ja_ra]

Вишенка, Igra, а вы штогод ці амаль штогод у такія паездкі выбіраецеся?
А раскажыце мне, клск, пра сістэму платных дарог. Памятаю, яшчэ тады ў 2000 яны ў Славакіі такія былі. Не ўсе, але паасобныя.
Дык вось, як загадзя ведаць, дзе платныя, а дзе бясплатныя? Ці ўсе дарогі Е... платныя, ці ва ўсіх краінах, і цана пытання, калі можна. Хаця б парадак. Каб разумець.
Тэарэтычна падумала...калі Баварыю і Аўстрыю глядзець, дык мая нямецкая - самае яно. ) Толькі падняць яе хоць крыху, само сабой.) Глядзіш, і тут з моўным пытаннем тады можна б было разруліць неяк...
Вандраваць здорава, так. Толькі не танна, шчыра кажучы. Я так разумею, што на аналагічную колькасць дзён з такім маршрутам нашыя балтыйскія затраты трэба памнажаць, як мінімум, удвая.
Але памарыць пакуль можна.)))

Вандраваць клёва, так? Каб так было магчыма-не працаваць, а толькі вандраваць-я б была радая

Каб можна было не працаваць, я б усё жыццё вучылася і ездзіла машынай там-сям, так. ) Толькі без праходжання нашай мяжы. :girl_werewolf:

 

[Вишенка]

Толькі без праходжання нашай мяжы.

Мы Прывалку туды и назад без праблем прайшлі. У пятніцу. Туды - за гадзіну, назад - хвілін 15-20, напэўна...

а вы штогод ці амаль штогод у такія паездкі выбіраецеся?

Ну, у адпачынак штогод хочацца, а там ужо як атрымаецца

Дык вось, як загадзя ведаць, дзе платныя, а дзе бясплатныя? Ці ўсе дарогі Е... платныя, ці ва ўсіх краінах, і цана пытання, калі можна. Хаця б парадак. Каб разумець.

Гэтую інфармацыю варта глядзець загадзя. Каб ведаць, ці ёсць сэнс увогуле на тую платную выязджаць. Да платных звычайна ёсць бясплатная альтэрнатыва, але гэта не магістраль. Навігатар пра платныя дарогі ведае, і на ўездзе на іх значкі стаяць.

Сістэмы розныя абсалютна. Як і кошты. Бываюць і бясплатныя аўтамагістралі (напрыклад, у Нямеччыне). У некаторых краінах проста на дарозе стаяць пункты аплаты - так у Польшчы. У іншых - віньетка, яна мае тэрмін дзеяння, і ад гэтага залежыць кошт. Так у Славакіі. Віньетку клеіш на шкло ў пэўным месцы. У Венгрыі электронная віньетка - нумар машыны проста ўносяць у базу на вызначаны час. І да т.п.

З машынай ёсць яшчэ і іншыя нюансы - у некаторых гарадах Нямеччыны ёсць экалагічныя зоны - каб туды ўехаць, таксама спатрэбіцца адмысловая налепка.

Вандраваць здорава, так. Толькі не танна, шчыра кажучы.

Ёсць больш і менш дарагія краіны для вандровак. Мы гэтым разам, напрыклад, спыняліся толькі ў апартаментах - нядорага, больш зручна за гатэль і можна пры жаданні самастойна харчавацца. А колькі вы плацілі за жыллё ў Прыбалтыцы?

 

[k_ja_ra]

А колькі вы плацілі за жыллё ў Прыбалтыцы?

Я пазнаходзіла вельмі недарагія варыянты.
За Палангу, прыкладам, увогуле 50 еўра ў суткі плацілі. 130 каштавалі 2 ночы ў Сігулдзе. Ну і астатнія не даражэй за 60.

Гэтую інфармацыю варта глядзець загадзя. Каб ведаць, ці ёсць сэнс увогуле на тую платную выязджаць.

Дзе глядзець? У інтэрнеце яна ёсць?

Больш за ўсё я баюся наступнага: едзеш сабе едзеш, нічога не падазраеш, а потым цябе спыняюць і высветляецца, што дарога была платная, і з цябе штраф.
Мяне ў гэтым сэнсе паркоўкі ў Прыбалтыцы стамілі. У канцы ўжо нават каля Акропаліса баяліся паркавацца, бо фіг разбярэшся, каму і што там трэба плаціць.

 

[Вишенка]

Больш за ўсё я баюся наступнага: едзеш сабе едзеш, нічога не падазраеш, а потым цябе спыняюць і высветляецца, што дарога была платная, і з цябе штраф.

Ну ў цябе фантазіі
1) Калі едзеш па навігатары, то можна адключыць выезд на платныя дарогі.
2) У Польшчы "наступнае" з табой не здарыцца толькі таму, што там на дарозе будзе будка і шлагбаум ))
3) У Венгрыі ці Славакіі (і, здаецца, Аўстрыі) гэта магчыма, калі лавіць варон і не сачыць за знакамі, але там можна загадзя вырашыць, купляць табе віньетку ці не. Калі не - гл. пункт 1.
4) У Нямеччыне пакуль што ўсе дарогі бясплатныя.
Што датычыцца іншых краін, то ўсю інфармацыю можна лёгка знайсці ў інтэрнэце.

За Палангу, прыкладам, увогуле 50 еўра ў суткі плацілі. 130 каштавалі 2 ночы ў Сігулдзе. Ну і астатнія не даражэй за 60.

Выдатна. Мы ў Славакіі плацілі 37 і 40 еўра ў суткі за кватэры каля 70 квадратаў, у Польшчы - 36 (пад Варшавай) і 48 у самой Варшаве. Усе варыянты былі вельмі класныя і з паркоўкамі.

 

[k_ja_ra]

Мы ў Славакіі плацілі 37 і 40 еўра ў суткі за кватэры каля 70 квадратаў, у Польшчы - 36 (пад Варшавай) і 48 у самой Варшаве.

Ух ты. Гэта проста выдатна! Выходзіць, там танней за Прыбалтыку? Я на букінгу амаль самыя танныя варыянты глядзела/выбірала. У мяне запыты мінімальныя: спальныя месцы і выгоды ў нумары (апартаментах, дакладней, у нумары мы сваім складам не праходзім, нам два нумары тады браць трэба, а гэта ўжо дорага)

 

[Вишенка]

Можа і танней. Гэта не былі самыя танныя варыянты - я выбірала лепшае з недарагога, з высокімі адзнакамі (ад 8,4 да 9,6), паркоўкай і ў зручным месцы.
Вось, напрыклад, кватэра пад Варшавай



яшчэ асобная спальня і кухня, ёсць усё неабходнае, чыста, прыгожа і вельмі утульна. На траіх - 36 еўра

У Татрах у нас было больш сціплае жытло, але таксама ўсё неабходнае, і вось такі від з вокнаў

10 дзён - 400 еўра

 

[k_ja_ra]

Вишенка, дзякуй.
Трэба будзе палазіць вольным часам паглядзець цэны.

Мы Прывалку туды и назад без праблем прайшлі.

А што гэта за пераход? Я тут тундра зусім. ) На Славакію ж праз Брэст трэба ехаць, правільна? Прывалка хіба там?

Народ піша, што і на Літву за 20 хвілін праходзіць, а мы ў буднія дні 2.15 і 3.30 гадзін на мяжы правялі. Можа, пераходы няправільныя выбіраем, фіг ведае. Хаця муж глядзеў, нібыта і на нашым па нуль машын паказвала, а ў выніку вунь яно як. Мяне гэтае стаянне выбешвае проста.(

 

[Вишенка]

А што гэта за пераход? Я тут тундра зусім. )

гэта літоўскі, праз Гародню-Друскенікі. Ехалі па літоўскай візе, таму так.

 

[k_ja_ra]

Ясна.) Ладна, пабачым.) А то я яшчэ рэчаў з гэтай паездкі да канца не разабраўшы, ужо ў наступную вандроўку збіраюся. )))))

 

[Вишенка]

я яшчэ рэчаў з гэтай паездкі да канца не разабраўшы, ужо ў наступную вандроўку збіраюся.

Зацягвае ))
Я таксама яшчэ не ўсё разабрала, і нават яшчэ не ведаю, колькі агулам мы выдаткавалі за падарожжа.

 

[k_ja_ra]

Я таксама яшчэ не ўсё разабрала, і нават яшчэ не ведаю, колькі агулам мы выдаткавалі за падарожжа.

У нас з гэтым проста. Сума, што бралі, мінус тое, што засталося, плюс еўравыя плацяжы з карткі. Вось і ўсе разлікі.)

Зацягвае

Угу.) Я ўжо і маршруцік прыкінула. ))))

Вишенка, а вы якія звычайна пераезды плануеце? Я гэтым разам не болей за 300+- км у дзень планавала. Апроч апошняга дню дарогі дадому - там пад 600 атрымалася. А вы як?

 

[katia-ka]

Выходзіць, там танней за Прыбалтыку?

Калі ты з машынай і не прывязаны да цэнтра/транспартных прыпынкаў/чыгункі, то верагоднасьць знайсьці прывабныя варыянты па невялікім кошце ўзрастае ў разы

Я ўжо і маршруцік прыкінула.

Вось што мульт жыватворчы робіць ))

 

[k_ja_ra]

Вось што мульт жыватворчы робіць

Дык менавіта.) Гадавая ж віза.) Трэба карыстаць момант.) Ужо адным гемарам (візамі) меней.
Муж мяне заб'е, факт.) У хаце бедлам, дзеці да школы не гатовыя, даведкі нязробленыя, а я атласік вывучаю.)))

 

[Вишенка]

У нас з гэтым проста. Сума, што бралі, мінус тое, што засталося, плюс еўравыя плацяжы з карткі. Вось і ўсе разлікі.)

Не, я чэкі аналізую. Каб можна было сказаць, колькі выдаткавалі на паліва, а колькі - на рэстарацыі

а вы якія звычайна пераезды плануеце? Я гэтым разам не болей за 300+- км у дзень планавала.

І мы неяк так. Акрамя пераезду з дому ў першы пункт маршруту і назад. Звычайна неяк праз Варшаву ездзім, там спыняемся на першую ноч.