Пра ўсё па-беларуску.

[жар-птица]

Дзяўчынкі, я на самой справе рэгулярна чытаю форум, асабліва раздзел Гутарка. Скажу прама, як бы гэта пафасна не гучала, многімі з Вас захапляюся, так ясна выказваеце думкі, абгрунтоўваеце і адстойваеце сваю кропку гледжання, я б нават сказала не хаваючыся і не тоячыся ў сітуацыі, якая склалася.
Дзякуй што Вы ёсць, заўсёды прыемна чытаць Вашыя спрэчкі і думкі. Беларускую мову ведаю толькі са школы, па праўдзе сказаць, яе не любіла (сярэбраная медаль з-за прадмета па бел. мове), да нядаўняга часу, толькi зараз пачынаю адчуваць неабходнасць яе ведаць і ўжываць, родную мову, прыгожую і меладычную. Сёння на вуліцы падышоў мужчына і спытаў па-беларуску як знайсці пэўны дом, прагучала вельмі ласкава і меладычна, і мне стала сорамна, што я не магу адказаць яму па-беларуску, так жа хутка і без запiнак. Словам, буду старацца. Не судзіце строга I канешне папрауляйце.

 

[Marisol]

што з беларускай сучаснай музыки вам падабаецца?

Ляпісы з Нэйра Дзюбелем.

 

[жар-птица]

А давайце пагаворым пра музыку -- што з беларускай сучаснай музыки вам падабаецца?

Мне падабаецца творчасць Лявона Вольскага, J-Морс

 

[k_ja_ra]

У мяне цяпер 3 любімыя песні:
Пагоня Мулявіна
Грай Ляпісаў
Тры чарапахі (Анестезія :blush1

Прычым першыя дзве часцей за ўсё без слёз слухаць не магу. (толькі не смейцеся )

А так, я не фанат музыкі.)))

О, дакладна, J-Морс люблю!

 

[Nulka]

Кьяра,
я замест 11 класа паехала ў Штаты вучыцца, на год. І ўзяла з сабой хрэстаматыю па бел.літаратуры -- да іспытаў рыхтавацца. Бачыла б ты, як я, седзячы на хутары ў Аёве, рыдала над Багдановічам

 

[anty]

Прычым першыя дзве часцей за ўсё без слёз слухаць не магу.

у прамым сэнсе?

 

[ой-ой-ой]

трэба размаўляць не саромеючыся,

Памятаю у маім инстытуце быў (і зараз ёсць) беларускамоўны дацэнт. Ён чытаў лекцыі па-беларуску інастранным студэнтам)). Яго гэта вельмі забаўляла - ён казаў, калі вы прыехалі у Беларусь, то павінны разумець беларускую мову.

 

[Nulka]

Ляпісы, Дзюбелі, Вольскі. Вольскага ўвогуле вельмі высока цаню. Чалавек-аркестр.
Абажаю ўсе сумесныя альбомы -- "Святы Вечар", "Народны Альбом", "Я нарадзіўся тут". Яшчэ са старых -- Кася Камоцкая.
А з маладых -- айк'юшнікі. Вельмі завадныя хлопцы і песні настрой на раз-два ўздымаюць.
Ах, ну і як я забылася на Краму!

 

[k_ja_ra]

anty, у прамым. Хіба ты не заўважыла, што ў мяне з эмоцыямі, як бы гэта мякчэй сказаць, праблемы? ))

 

[anty]

тут не ў старажытнасці справа... Для мяне, прынамсі.

успомнілася такая ж размова год назад ці можа менш...

 

[k_ja_ra]

седзячы на хутары ў Аёве

О-о-о-о. Магу ўявіць....

успомнілася такая ж размова год назад

Праўда? Я як бы таксама памятаю...

 

[anty]

як бы гэта мякчэй сказаць, праблемы?

ну чаму праблемы... калі гэта не ўчора пачалося, дык мабыць гэта сведчыць пра тонкасць і адчувальнасць, а не пра неўроз ) у такім выпадку гэта не пралбема
так, зауважыла. але вырашыла перазапытаць
мне знаема пачуцце надрыву ў эмацыянальным плане (нічога, што я як бы дыягназы тут стаўлю? я з вялікай павагай і без аніякай крытыкі). але я заўседы реагую неяк няроўна.. жаль адчуваю ці што... мне не падабаецца такая рэакцыя мая, мне падабаецца калі мяне не кранае задужа. а гэты фон - кранае... таму я може да цябе і прычапілася... можа ты прабач...

 

[Nulka]

Я тут троху таго, прапановаў параблю...
1. "Некаторыя назоўнікі пры ўтварэньні множнага ліку зьмяняюцца і ў сваёй аснове: дзяўчына — дзяўчаты (АЛЕ! дзьве / тры дзяўчыны), неба — нябёсы, зерне — зярняты" http://old.knihi.com/www/padrucnik/lad_movy/nazounik10.htm
Калыханкаўскае "Прывітанне, хлопчыкі і дзяўчынкі", на жаль, памылка.
2. Пункт гледжання
3. Студэнты мясцовыя і замежныя
4. Медаль -- мужчынскага роду. А вось, напрыклад, гусь -- жаночага

 

[Marisol]

Багдановіч назаўсёды!
«Я хацеў бы спаткацца з Вамі на вуліцы...»

 

[ЗОВ]

а я як раз хацела запытацца, слухае ці хто з вас беларускіх выканаўцаў

А як жа Змiцер Вайцюшкевiч? Мне вельмi падабаецца

 

[Nulka]

Coraline,
так, Змітра ведаю. Харошыя ў вас хросныя

 

[k_ja_ra]

Ён чытаў лекцыі па-беларуску інастранным студэнтам

Хочаце, я распавяду? Я паўгода вучылася ў Славакіі. Дык вось, уявіце сабе лекцыю італьянскай мовы па-славацку. Прычым я на той момант, са славакамі збольшага па-беларуску камунікавала. (бо беларуская са славацкай надта падобныя). Во дзе выбух мозгу быў. ))

 

[Nulka]

ЗОВ,
Вайцюшкевіч мне падабаецца, але не ўвесь, а месцамі. Вось ёсць песні дзе люблю-люблю-німагу, а ёсць такія сабе зусім на мой густ не кранальныя. Калыханкі мне ягоныя падабаюцца, а яшчэ --"Месяц -- жоўтая лодка" і "Суседка".

 

[ой-ой-ой]

Студэнты мясцовыя і замежныя

А я спачатку пачала пячатаць "іншаземныя")). Зусім дрэнны слоўнікавы запас

 

[k_ja_ra]

калі гэта не ўчора пачалося

Не ўчора. Я нават над мульцікамі плачу. :resent:

мне падабаецца калі мяне не кранае задужа.

Так і мне. Толькі тым, што мяне не кранае, я не займаюся...

таму я може да цябе і прычапілася.

Ты пра слёзы, ці пра ўчора?

можа ты прабач..

Не пытанне, толькі за што?

Калыханкаўскае "Прывітанне, хлопчыкі і дзяўчынкі", на жаль, памылка.

Жах!!!!