Пра ўсё па-беларуску.

[Вишенка]

А вось далбака першы раз чула.

ніколі не чула

 

[Atex]

падскажыце, як уставiць малюнак з кампа сюды )) колькі на форуме, а не ўмею. толькі ўкладзеныя стаўлю.

 

[Infinity]

Atex, http://semeistvo.by/forum/faq.php?faq=vb3_reading_posting#faq_vb3_attachments

 

[Atex]

Рэдкі шанец пабачыць адзін з першых беларускіх нямых фільмаў у жывым суправаджэньні Сяргея Пукста. Паказ адбудзецца ў будынку былога кінатэатру "Зьмена". Далучайцеся! (уваход будзе па перадзапісу)
Афіша - аўтарства Лявона Вольскага

Посмотреть вложение 1053173

26 красавіка а 16-й гадзіне ў студыі «Змена» (зав. Казлова, 26) адбудзецца паказ нямога фільма «Кастусь Каліноўскі» (1927) у жывым музычным суправаджэнні Сяргея Пукста з каментаром культуролага Максіма Жбанкова. У ІІ аддзяленні адбудзецца сольны выступ музыкі.

Паказ фільма "Кастусь Каліноўскі" ў музычным суправаджэнні Сяргея Пукста быў задуманы і рэалізаваны ў рамках праекту «Тузін.Немаўля» — супрацы інтэрнэт-парталу Tuzin.fm і Падляскай опэры і філярмоніі — Эўрапейскага цэнтру мастацтва ў Беластоку.
Паказы стужкі «Кастусь Каліноўскі» адбыліся ў межах фэстывалю «Басовішча» ў Мастаўлянах і на фэстывалі Bulbamovie ў Варшаве. Афіцыйная беларуская прэм’ера прайшла ў межах ХХ Міжнароднага кінафэстывалю «Лістапад», для якой Дзяржфільмафонд Расеі адмыслова прадаставіў усе тры фільмы праекту на кінастужцы.

«Цікавасьць праекту ў тым, што музыкі ня проста суправадзілі фільм адвольнымі гукамі, а прапусьцілі гэтыя стужкі празь сябе і нават узялі на сябе сьмеласьць пракамэнтаваць з дапамогай музыкі тое, што адбываецца на экране. Таму гэты паказ можна разглядаць ня як звычайную рэтраспэктыву, а новы актуальны арт-праект», — кажа кіраўнік праекту «Тузін.Немаўля» Сяргей Будкін.

Паводле культуролага Максіма Жбанкова: «Гэта адначасова геройскае кіно, прывітанне з франтоў класавай барацьбы і слабы закос пад беларускасць з расійскай сэкс-зоркай Мікалаем Сіманавым у галоўнай ролі».

я пайду. Далучайцеся.

р.ы. нешта маленькая карцінка атрымалася )), трэба ціснуць на яе, как павялічыць.

 

[k_ja_ra]

Нарэшце прачытала артыкул, размешчаны мной вышэй.
Ігра, ты не чытала? Цікавае тваё меркаванне.

=======

як уставiць малюнак з кампа сюды

Atex, грузіш карцінку на radikal.ru, прыкладам. Капіюеш там адпаведную спасылку (карцінка ў тэксце) і ўстаўляеш у форму паведамлення.

п.с. і шэптам: раз'ясненні пра далучэнне файлаў на сайце сямейства, імхо, не вытрымліваюць аніякай крытыкі. )
Мала, што нічога незразумела, як па мне, дык яшчэ і няясна, якія файлы можна далучаць у прынцыпе. Скажам, мр3 далучыць нельга, як быццам. Амаль нельга вордаўскі (дакладней, можна, але нейкага мікраскапічнага памеру), пра відэа нідзе не раз'ясняецца ...ну і г.д. )))

 

[Злополезная]

Учора новае для мяне слова ад дачкі было: "Ты давай, ногі аб каберац выцірай!"
Гэта дыванок пад ногі каля уваходу у дом ))))

 

[Atex]

Злополезная, класнае слова )) я люблю такія. імбрык, зэдлік, каберац... супер.

 

[Igra]

k_ja_ra, пакуль не,ўчора толькі пачала чытаць.Пачатак мне падабаецца)і ўвогуле даволі прыемнай мовай напісана)без гістэрык,што добра)Буду далей чытаць пры магчымасці) А ты сваімі ўражаннямі не падзелішся?

 

[katia-ka]

без гістэрык

Igra, я памятаю, вам тарашкевіца не падабаецца))) чаму тады пішаце "гістэрыка" замест "істэрыка"?

 

[k_ja_ra]

А ты сваімі ўражаннямі не падзелішся?

Падзялюся.)
Магу да цябе, магу пасля. Як скажаш.) Адзінае, я б хацела падзяліцца, калі ты скончыш чытаць.) Так што маякні, ок?

п.с. наконт мовы, падачы і адсутнасці гістэрыкі згодная.)
Тэксту многа, так, але чытаецца нармальна. )

каберац

Дзякуй. Што нагадалі. ) Слова знаёмае, але амаль не ўжываю яго неяк.( Не на языку нават.
Можа, ногі не выціраю? Трэ звярнуць увагу на гэты момант. )))

чаму тады пішаце "гістэрыка" замест "істэрыка"?

Ой....якое добрае пытанне...
Яго б да мовазнаўцаў. Чаму гісторыя, але істэрыка? Гэта да пытання неўнармаванасці? Як думаеш (-еце, дзяўчаты)?

 

[Igra]

Igra, я памятаю, вам тарашкевіца не падабаецца))) чаму тады пішаце "гістэрыка" замест "істэрыка"?

katia-ka, таму,што я не ведала,што гэта будзе тарашкевіцай)))Я не вывучаю мову і нюансаў не ведаю.Можа,і на жаль,але пакуль што так.А ў штодзённым жыцці,ў побыце дапушчальна змешваць тарашкевіцу з наркомаўкай(ці як правільна) у гаворцы ці не?

 

[katia-ka]

Яго б да мовазнаўцаў. Чаму гісторыя, але істэрыка? Гэта да пытання неўнармаванасці? Як думаеш (-еце, дзяўчаты)?

мы проста на апошняй "Мове нанове" як раз пра адрозьненьні тарашкевіцы ад наркамаўкі размову вялі. І вось як раз такі мовазнаўца нам гэты прыклад і прыводзіла, што ўсе тыя рэформы, якія фарміравалі наркамаўскі правапіс, "г" у слове гісторыя чамусьці захавалі, а ў абсалютнай большасьці іншых словаў - не. То самае з памякчэньнем гука "л": кляса-клас, лёгіка -логіка, але лямпа і лямантаваць.

А ў штодзённым жыцці,ў побыце дапушчальна змешваць тарашкевіцу з наркомаўкай(ці як правільна) у гаворцы ці не?

чаму не)))
Проста калі ўжываем, напрыклад, словы ці сінтаксіс, які належыць граматыцы Тарашкевіча, то ня трэба гаварыць, што гэтая граматыка не падабаецца.
Ну мне так падаецца

 

[Igra]

ня трэба гаварыць, што гэтая граматыка не падабаецца.

Я так думаю,што калі не трэба,то і не гаварыце,не?

katia-ka, мне не граматыка не падабаецца)чыста некаторыя словы фанетычна не падабаюцца,суб'ектыўна не болей за тое)ціпа клясычны,лёгіка і тп.

 

[katia-ka]

katia-ka, мне не граматыка не падабаецца)чыста некаторыя словы фанетычна не падабаюцца,суб'ектыўна не болей за тое)ціпа клясычны,лёгіка і тп.

раней вы былі больш катэгарычны.

А тарашкевіца мне не падабаецца-проста без ўсялякіх аргументаў)"Клясычны"-брррр

Проста тарашкевіца - гэта не толькі фанетычныя памякчэньні. Гэта і лексіка, і сінтаксіс і правілы запазычаньня.

 

[Igra]

katia-ka, шчыра не разумею,што вас хвалюе)Ці вы проста пагаварыць са мной хочаце))Ці педагагічнае мінулае не адпускае?

 

[k_ja_ra]

Вой, адна з улюбёных тэмаў.))))
Артыкул сюды ж, для затраўкі: Тарашкевіца – ня толькі ідэалёгія, але перадусім эстэтыка і абмеркавання.)

 

[katia-ka]

Ці педагагічнае мінулае не адпускае?

а хто вам сказаў, што яно мінулае?
Ведалі б вы, як яно мне часамі дапамагае))) Вось у падрыхтоўчай школцы, напрыклад, якую дачка наведвае))
А што да вас, дык не бярыце да галавы.

 

[k_ja_ra]

Што да тарашкевіцы. Складана тут усё.
У вузкім сэнсе тарашкевіца - гэта норма/стандарт правапісу перадусім. Таксама некаторыя пытанні пазычанняў, так, і тыя-сія асаблівасці вымаўлення. Але яны не настолькі шматлікія і крытычныя, каб гаварыць аб іх прынцыповай адрознасці ад іх жа, толькі так званых "наркамаўскіх".
У шырокім сэнсе - насамрэч, ідэалогія.
Сінтаксіс і лексіка - адзіныя ў мове. Іншае пытанне, хто і як іх карыстае.

 

[katia-ka]

Сінтаксіс і лексіка - адзіныя ў мове.

Не.
Як зьявіцца ў сеціве матэрыял Алесін, я табе кіну.
У тарашкевіцы ў словазлучэньнях ёсьць адрозьненьні ў падпарадкаваньні словаў па склонах (з гэтага вынікаюць і іншыя прыназоўнікі і іншыя канчаткі).
Лексічны пласт таксама ёсьць свой у тарашкевіцы.

У шырокім - насамрэч, ідэалогія.

Вось хоць забі, не разумею я, у чым людзі бачаць там ідэалёгію??
Прычым, не разумею і калі пра ідэлёгію гавораць тыя, хто тарашкевіцай карыстаецца, і тыя, хто карыстаецца наркамаўкай.
Для мяне гэтыя словы "насамрэч, ідэалогія" - роўнае таму, калі гавораць, што "беларуская мова - мова нацыкаў і апазіцыі".

 

[k_ja_ra]

У тарашкевіцы ў словазлучэньнях ёсьць адрозьненьні ў падпарадкаваньні словаў па склонах

вучыцца музыкі? чакаць на брата?
Ты пра гэта?
Дык гэта...гэта не столькі адрозненні, колькі развіццё мовы.

я табе кіну.

Дзякуй. Буду проста надзвычай удзячная.) Мне цікава, вельмі.)
У сваю чаргу пашукаю, можа і відэа з заняткаў ёсць?

Лексічны пласт таксама ёсьць свой у тарашкевіцы.

Ну напрыклад?

у чым людзі бачаць там ідэалёгію??

Ты артыкул глянула?
Там няма "ідэалогіі"?
Я не супраць. Але і не адмаўляю відавочнага. Не як усе - гэта заўжды рамантычна і вабіць. Пагадзіся.) А тут мала не як усе, дык яшчэ і не "па-саўковаму".))))
Я буду толкі вітаць тарашкевіцу, калі раптам будзе рашэнне на яе перайсці. Усім.)
Чыста на ўсялякі выпадак пішу. Бо праблемы з вымаўленнем яна вырашае раз і назаўсёды.
Але на сёння, да тарашкевіцы ў сэнсе ўнармаванасці пытанняў не меней, чым да наркамаўкі, а месцамі і болей.)