Пра ўсё па-беларуску.

[anty]

Кьяра, пра учора

 

[ЗОВ]

Nulka, зразумела, што усе творы i не павiнны быць найлепшымi , а вось гэты -

"Месяц -- жоўтая лодка".

- я таксама вельмi люблю. Здзiвiлася, што вы таксама яго найперш зауважылi

 

[k_ja_ra]

anty, ну чаму? І добра. ))) Мы ўсё высветлілі? )))

Ты - гэта адно. Дзяўчаты - іншае. Я супярэчнасцяў для сябе не бачу. Мне спакойна. А далей - твая справа, як да гэтага ставіцца.

 

[elena12]

мне слова "начальнік" падаецца нармальным беларускім словам. Начальнік -- гэта той, хто стаіць на чале -- арганізацыі, аддзела, і г.д.
Суфікс "нік" цалкам уласцівы бел. мове -- параўн. кіраўнік, вартаўнік і г.д.
Ёсць таксама слова "узначаліць" -- рас. "возглавить"

Дзяўчаты, няма ў беларускай мове слова "начала" ёсць "пачатак". "Узначаліць", "падначалены" - так, слых не каробіць. А "начальнік" - не магу чуць, вушы круціць. Таксама лічу, што не беларускае слова. (Я ўсё на слых, прабачце, правілаў не памятаю аніякіх)

Усе дзеці розныя: нехта любіць чытаць пра рыцараў, нехта - пра прыгоды дзяцей-аднагодкаў. Можна проста ў краме праглядзець кнігі з гэтага спісу і абраць тое, што будзе цікава Вашаму дзіцяці.

Дзякуй,
Аленчык, але зайшлі б Вы калі ў пункт продажу кніг у правінцыі - пэўна здзівіліся б... Пра рыцараў, пра дзяцей-аднагодкаў.... Можа і будзе адна кніжка У. Ягоўдзіка ды й усё.
Так што дзякую за парады, буду у Менску абавязкова загляну Ў "Акадэмкнігу" або Цэнтральную кнігарню.

Беларускія кнігі можна паглядзець у кнігарні ў Галерэі У

Coraline, дзе гэта?

 

[rusalllka]

Прывітанне.
прачытала усе што паспелi напicаць за вечар i склалiся неадназначныя пачуццi. таму што я напрыклад не разумею вось такое (толькі, калі ласка, не ўспрымайце як абразу):

На сапраўднай мове, не наркомаўскай.

мова,як мне здаецца, даволі жывая рэч.... не толькі і не столькі што напісана у падручніку (не важна якога году), а больш - як гавораць люзді. І тое, што напрыклад называецца "трасянкай",як размауляюць бабулі у веске - гэта таксама мова, хай і не заўседы правільная (і я не прыхільнік трасянкі ). Не ведаю на колькі будзе разумела што я хацела сказать... вось я вучылася ў школе ў 90гг, і вывучала мову, як вы называеце "наркомаўскую" і на той момант ведала яе вельмі не дрэнна. і я не магу лічыць што яна не сапраўдная, а сапраўдная толькі "тарашкевіца", якой я практычна нідзе не бачыла, на якой не чытала кніг толькі таму, што мне сказалі, што калісьці быццам яна была. час ідзе,усе мяняецца, і мова таксама.... карацей кажучы, я б не гаварыла так адназначна...
мне бліжэй гэта:

Кожны з нас мае права на ўласную гаворку. Менавіта так складаюцца дыялекты

таму што на самой справе магчымы варыянт, што нехта у сваей мясцовасці ўжывае (ужываў) нейкі дыялект а тут яму гавораць што ён не на сапраўднай мове....

акрамя таго, мне здалося, што наконт варыянтаў слоў могуць нарэшце узнікнуть тут спрэчкі, калі адзін лічыць свой варыянт правельным - другі - свой. А запамінаць каго можна папрауляць ці выказваць свае меркаванне а каму нельга - будзе складана и нязручна. Таму прапаную меркаванне выказвать, а вось згаджацца з им ци не - права аўтара..
проста не хацелася б, каб такая цікавая і карысная тэма з'ехала на спрэчкі....

 

[Coraline]

elena12, Ад мяне праз дарогу )) Незалежнасці, 37а. На самай справе, гэта былы пункт здачы шклатары, невялікi будыначак у двары за Томам Тэйларам на плошчы Перамогі.

Калі спасылку ня сатруць - ygallery. by.

 

[k_ja_ra]

Добрай раніцы.

А "начальнік" - не магу чуць

Вось і мне неяк "крыва" чуецца. Таму і "канфуз" выйшаў. :blush1:. Аднак майму пачуццю мовы расці яшчэ -не вырасці... ))) А Nulka не верыць у мяне няма аніякіх падставаў. Таму адчуваю сябе вінаватаю... Перад Заранаю.)))

Дарэчы, Nulka, ты б яшчэ пра расейскую мову напісала, а? Аднак я гэта не сама надумала, пра тое ў Моўніку распавядалі...)))

І яшчэ можна пытанні? Нулачка, да цябе. Ці яшчэ, мо на Аленчык надзея.

1) пра дзяўчат усё ж. З імі зразумела. А вось дзяўчынка хіба не існуе? Ну ёсць жа хлапец і хлопчык, так? І тут дзяўчына і дзяўчынка, не? І тады ад яе - дзяўчынкі. А?
Я да чаго? У класе, мая Яна кажа, гэтае слова настаўніца ўжывае. Дык як быць? То бок, калі папрасіць яе казаць слушна (а яна ў нас цалкам нармальная, мне здаецца з ёю можна дамовіцца)- пацвярджэнне трэба, распавядзеш пра "дзяўчынку"?

2) Літаральна сёння раніцаю мая распавядае вершык беларускі. Проста так, сама. Яны яго напамяць не вучылі, але тая запомніла. Дык вось, сярод іншага выраз "мы жывём у Беларусі". (ну першае, жывем ці жывём?, як разумею абодва варыянты слушныя, так? Але мне жывем лепш гучыць) Але галоўнае. Я яе выпраўляю - на Беларусі. Тая - але ў падручніку "у" напісана. Нясі, кажу падручнік. Такі "у". Дык як гэта?!

Дзяўчаты, а цяпер да ўсіх просьба. Парайце мне (пажадана хуценька) які -небудзь вершык пра восень, невялічкі, з 2 слупкі. Малодшай (6 год) у садочак трэба. Але каб "просты" быў. Бо ёй пакуль па-беларуску вымаўляць цяжкавата.))) Загадзя дзякую.

 

[Женщина дождя]

Coraline, Дачка ў 4 гімназыі... Да, добры ў Вас хросны... Я недзе ў красавіку або раней была на сустрэчэ з Зміцерам Бартосікам і Сакаловым-Воюшем (ен прыехаў да сястры).. Бартосік спяваў свое песнi Высоцкага,Утесава і іншых у перакладзе на беларускую мову.. Перакладаў дзед Рыгор - Рыгор Барадулін.. Як яны гучалі... Нават лепш чым на расейскай мове... Асабліва " Ля Чорнага мора... Эх... I Сакалоў-Воюш..
Ён выйшаў на сцену на наступны дзень пасля бальніцы... " Ніколі мы ня будзем пад маскалямі..." І ўся зала пляскала ў далоні і гучала "Жыве Беларусь"
А бар Малако зачынены

 

[k_ja_ra]

мова,як мне здаецца, даволі жывая рэч.

Гэта так. Але Вы ўпэўненая, што ў дачыненні да беларускай так можна сказаць? Я, шчыра кажучы, не...)))

rusalllka, калі ласка, зразумейце правільна. У гэтай тэме СВАР НЕ БУДЗЕ. Па вызначэнні. А вось спрачацца, чаму б і не? ))
Калі Вы пра маю размову з Заранаю, так тут, яшчэ раз, старыя гісторыі. І нават не мае асабіста.))) Што да мяне, то я РАДА заўвагам ці прапановам, як Вам бліжэй. Бо мая мэта і мара- размаўляць па-беларуску штодзённа. І так, каб сорамна не было.)))
Што да варыянтаў моў. Згодна , што лепш размаўляць наркамаўкаю, як ніяк. Аднак пагадзіцеся, што рэформы мову прыгажэйшай не зрабілі, як раз наадварот. І па мне, калі ёсць 2 варыянты, ну напрыклад работа і праца. (мо і благі прыклад, но нешта ў галаву іншае не ідзе), бо, як памятаю абодва варыянты слоўнік прапануе, то я б абрала працу. Разумееце, пра што я? А вось, напрыклад, "цана і кошт". Я - за кошт.

З астатнім згодна.

 

[Coraline]

Женщина дождя, Зьмiцер навогул вельмі любіць Высоцкага Ён нават сабе гітару замовіў такую ​​ж, як у яго была.

А чаму зачынены? Кастусь з Iлюшам нядаўна туды хадзілі. Трэба ў Кастуся спытаць, можа ён ведае. *Кастусь зараз гуляе ў салдацікаў )) Дакладней, салдацікамі. Можна вывесці хлопчыка з войска, але войска з хлопчыка - ніколі )). Яму там пісталет далі, цяпер да 5 лістапада яго нават не чапай. Ён былы вайсковец, патрапіў на зборы і цяпер успамінае маладосць )) Узяў з сабой фотаапарат, сказаў - потым пакажу здымкі, тут прыкольна ))*

 

[Сarla]

Добры дзень.

Наконт "начальнік" і "кіраўнік", "работа" і "праца". Я мову ўспрымаю на слых, дарэчы і расейскую (можа пачытаць граматыку якую). У беларускай мове мне прыемна чуць кіраўнік і праца. Але гэта датычыцца толькі мяне, бо

правільна сказала Кэт

Кожны з нас мае права на ўласную гаворку.

Нешта мне і маё "правільна" не падабаецца.

 

[rusalllka]

Я мову ўспрымаю на слых

я таксама )

 

[k_ja_ra]

"правільна

Як варыянт - слушна.

 

[Coraline]

carla, Я б сказала - слушна

 

[k_ja_ra]

У беларускай мове мне прыемна чуць кіраўнік і праца. Але гэта датычыцца толькі мяне

+100.

Coraline, :derisive: у адзін час.

 

[Nulka]

дзяўчаты
не трэба моўнага пурызму. тое, што слова гучыць так жа, як у расейскай, не робіць яго менш беларускім. цана -- гэта price,кошт -- гэта cost, стоимость. у працы і работы таксама ёсць адрозненні ва ўжыванні. начальнік -- не ад "начало", а ад "на чале".
чым больш словаў, якія адрозніваюцца стылістычна, сферай прымянення, тым мова багацейшая.

 

[Mrs_yanf]

Дзяўчаты, а цяпер да ўсіх просьба. Парайце мне (пажадана хуценька) які -небудзь вершык пра восень, невялічкі, з 2 слупкі. Малодшай (6 год) у садочак трэба. Але каб "просты" быў. Бо ёй пакуль па-беларуску вымаўляць цяжкавата.))) Загадзя дзякую.

Едзе восень
Валянцін Рабкевіч
Змоўкла наваколле,
Лес адгаманіў.
Едзе восень полем
На рабым кані.
А за сінім борам —
Я разгледзеў сам —
Сядзе ў санкі скора
Белая зіма.

Гэта трохi большае, але, здаецца, добра вучыцца
Восень, восень залатая
Сяргей Новік-Пяюн
Восень, восень залатая
Сее радасць на зямлі,
Хмарка ў сінім небе тае,
Мкнуць у вырай жураўлі.
Ніткай срэбнай павуцінне
Ў косах сонейка блішчыць.
Што за цуднае зіхценне!
Што за ціш вакол стаіць!
Я іду лясною сцежкай,
Як па мяккім дыване.
Восень з ветлівай усмешкай
На спатканне выйшла мне.
Ярка, хораша прыбрала
Ўсюды дрэвы і кусты
I зямлю памалявала
Ў колер жоўта-залаты.

Яшчэ вершык Купалы тут http://vyaselka.ru/listapad

 

[Nulka]

Кьяра,
дзяўчынка-- тры дзяўчынкі -- дзяўчаткі.
шчыра кажучы, у сказе "па дарозе ішлі дзяўчынкі" і мне слых не рэжа. але ж я гарадская, і мова ў мяне ўсё ж не аўтэнтычная, на жаль.
але вось зварот "дзяўчынкі!" -- слых рэжа. ну а настаўніца што... настаўніца таксама не прыляцела з планеты, дзе ўсе па-беларуску гавораць, а вучылася на Калыханцы.
ps. вершы пра восень http://dzietki.org/article/cms_view_article.php?aid=4670

 

[k_ja_ra]

не трэба моўнага пурызму

адчуваю сябе вінаватаю

:blush1:

а настаўніца што

Я ж не прэтэнзію! Проста, калі б мне так добразычліва распавялі, маўляў, слушней казаць так і так, я б дзякуй сказала. А наша настаўніца як раз такая.

Нулачка, а можна я спытаю, у вас (у мужа) насамрэч праблемы? Сур'ёзныя?

 

[Nulka]

Кьяра,
(буськ)